به‌فر دێ باريت
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێشه‌مبى رێكه‌فتى 17ى چريا دويێ 2015 ئه‌سمانێ دهۆكێ دێ ژ هنده‌ك ئه‌ورێن كێم بۆ ئه‌ورێن ته‌مام هێته گوهۆڕين و ل ده‌ڤه‌رێن جودا دێ باران باريت و هنده‌ك جاران بريسى ژى دێ ل گه‌ل بن و ل ده‌ڤه‌رێن چيايى ده‌ليڤا به‌فر بارينێ ژى يا هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن رۆژهه‌لاتێ وه‌لاتێ توركيا و هاتنا فشارێن نزمێن ده‌ريا سۆر بۆ سه‌ر هه‌رێما كوردستانێ دهێته پێشبينيكرن ئه‌سمانێ ژ هنده‌ك ئه‌ورێن كێم بۆ ئه‌ورێن ته‌مام هێته گوهۆڕين و ل ده‌ڤه‌رێن جودا دێ باران باريت و هنده‌ك جاران بريسى ژى دێ ل گه‌ل بن و ل ده‌ڤه‌رێن چيايى ده‌ليڤا به‌فر بارينێ ژى يا هه‌ى.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ 10 كم بيت و پلێن گه‌رمێ ژى دێ د ناڤبه‌را 8 بۆ 15 پلان دا بيت.
