بهلاتینكێن بهحهشتێ ب ئاگرێ ئیسلامێ نه سۆژن
زارۆ لاوازترین خهلهكه د ژیانێ دا، چونكو دهمێ دهێنه سهردارێ دنیایێ یێ بێ هێزه و پێدڤى ب هاریكاریا دایكوبابایه ومێشكێ وى وهك ههڤیرهكى یه دایكوباب رێكدئێخن و بهرى ئهز بچمه ناڤهرۆكێ دێ وێنهكى ئینه پێشچاڤێن ههوه دهمێ گۆرێن ب كۆم یێن كوردان هاتنه دیتن كلۆخێ ساڤایهكى یێ كو ژیێ وى نابیته ئێك سال بهلێ ب گوللهكا تفهنگێ كلۆخێ وى كۆنكر بوو.
باشه… بۆچى؟
گهلهك جاران من بهحسێ زارۆیان یێ كرى چاوا دهێنه بكارئینان بۆ گهلهك كریارێن پیس… و من نهڤێت دوبارهكهمه ڤه، بهلێ دهمێ دبێژین ئیسلام دێ فهرق وجوداهى د ناڤبهرا جیهادێ و كوشتنێ دا كهین، (جیهاد) ئهوه ههمى كریارێن باش (فی سبیل الله) بۆ خودێ چێدبن، كوشتن ههمى كریارێن بنبركرنا مرۆڤاتیێ ب ههمى جۆر دهێنه كرن، ل ڤێره نموونهك ههیه: سێ جهێن تایبهت بۆ كریارێن نهباش و بێ رهوشت ل جیهانێ بكاردئینن و قههرهمانێن وان نارۆكن، ل (لاسهڤێگاس) زارۆ ههتا مهزن بیت دێ خهلهكهك وهك گوهاركى كهته گوهێ خوه نیشانا كارێ (لیوات) دهت، ب تایبهت گوهێ راستێ، ههروهسا ل (المانیا) دهمێ گوهارك دچیته گوهێ چهپێ رامانا وێ ئهوه وى كارى دكهت، بهلێ ژ ههمیان پیستر ل سیدنى یا ئوسترالى گوهاركا دكهنه ههر دو گوهان. سوپاس بۆ خودێ ئهڤـ گوهاركه نهگههشتینه كوردستانێ ههتا نوكه.
دێ زڤرینه بابهتێ خو ودێ بێژم، من یێ گوهـ لێ بوى و خواندى، هو الله (الرحمن، الرحیم، السلام… هتد) بهلێ من گوهـلێنهبوو نهخواندیه… هو الله (القاتل، المعتصب… هتد).
اعوژ بالله….
پسیارا گرنگ ئهڤهیه: چاوا موسلمان موسلمانى دكوژیت؟ ئێ باشه پێغهمبهرێ مه (س. خ) دبێژیت: (القاتل و المقتول فی النار…) مهزانى هندیكه (قاتل) بهلێ (مقتول) بۆچى دێ چیته جههنهمێ؟… بهرسڤ: مقتول موسلمانه پێدڤیه رێكێن دى یێن ههین دا برایێ خو یێ موسلمان نهگوژیت ئان ب دهته كوژتن.
بهلێ هندى مه گوهـلێَبووى و سهردهمێ (خوارج)ان ههتا نوكه موسلمان یێن دبێژن: (جئتكم بالسیف، یان ان رسفی تحتى سن رمحی) و ب ئانههیا خودێ ههمى مرۆڤێن تیرۆرێ بكاردئینن و ب ناڤێ موسلمانهتیێ ل دۆزهخێ سافى بن.
نیڤ مرۆڤهك ب ناڤێ (عبدالرحمن الشداد) یێ ناڤدار ب (ابو نمر السوری) دو كچ یێن ههین: (فاگمه 9 سالى، عائشه (10) سال، كچا ئێكێ بوو، دناڤـ بنگههى دا بابێ وێ داپهقاندن، و ل سهر تۆرێن میدیایێ پارچهكا ڤیدیۆیێ هاتبوو خار دهمێ وى كافرى كچا خوه (فاگمه) بهرههڤـدكر و دگۆتێ (دێ چیه بهحهشتێ و دێ مهژى ل گهل خوه بهى و دێ پێغهمبهرى (س.ل) بینى. من چ كومێنت ل سهر ڤێ تشتى نینن و هوون حوكمى بكهن، پێغهمبهرێ مه یێ خۆشتڤى حهز ژ زارۆ و نهڤیێن خوه دكر و ماچدكره پێڤه و یارى ل گهل دكر، زارۆیهكێ شهش سالى ناڤێ وى (ابو عمیر) پێغهمبهرێ مه یێ خۆشتڤى دهمێ (ابوعمیر) ددیت ب كهنى ڤه دا پسیار ژێ كهت: (یا ابا عمیر ماژا فعل الغچیر)، و (غچیر) ژى بالندهك بو ابو عمیری ب بهندكهكى ڤه گرێدابوو و یارى پێ دكرن.
د قورئانا پیرۆز دا بهحسێ بچووكا یێ هاتیه كرن وهك (المال والبنون زینه الحیاه الدنیا)، بهلێ ب ناڤێ (الله اكبر) و (اشهد ان لا اله الله)، و ل ژێر درووشمێ گهلهك گۆتهبێژێن ئاینى و ههر ئێك ژ وان جیهاد ب شێوهكى شرۆڤهدكر، ژ بهر هندێ بهلاتینكێن بهحهشتێ شوونا یاریا ب یاریان بكهن و بیكانێ بكهن و خهونێن جوان و زكهكێ تێر و گهرمهكا رۆن و خۆش، هاتنه ڤهگوهاستن بۆ ئامیرهتهك یێ گۆژتنێ و كریارێن داعش بۆ مه ڤان تشتان دیار دكهت، كه ل (رقه) سنێلهك سهرێ دهیكا خوه ژێڤه كر ل مهیدانهكێ چونكو دهیكا وى شیرهتهك لێ كر و گۆتێ: كریارێن داعش نه یێن دروستن و ل مووسل كوركهكێ بچووك چار سالى ب دهبانجهكێ مرۆڤهكێ (50) سالى كوشت و دبهرا دگۆت: (الله اكبر).
ئهم كورد ل كوردستانێ دوورى ڤان كریاراینه و ئهم حهز ژئاینێ خوه دكهین، ئهم وهك ههرێم ژ باخچان بگره ههتا سلال پهروهردهكا نموونه ب حهزكرنا خودێ و پێغهمبهرێ وى و ئهو ژى بۆ كێ دزڤریت؟، بۆ مامۆستایان ئهوێن بهژنا خوه بۆ دچهمینین دهستێ خۆشیێ لێ بكهین دا ههردهم زارۆیێن مه و هزرا وان دپارێزن دا پاشهرۆژا كوردان ههر یا رۆهن و گهش بمینیت.
