به‌هزاد زێبارى: حوكمه‌تێ شیانێن بجهئینانا مه‌رجێن مه نه‌بوون
ئەڤرۆ نیۆز ، سەباح زۆهێر:
سه‌روكێ فراكسیۆنا ئێكگرتوویا ئیسلامی ل په‌رله‌مانێ هه‌رێما كوردستانێ دده‌ته‌دیاركرن كو
ئه‌و مه‌رجێن ئێكگرتوو داینه حكومه‌تا هه‌رێمێ هنده‌ك ژوان دا هێنه جێبه‌جێكرن لێ نه د ئاستێ پێدڤى دا بوو ژبه‌ر وێ ئێكێ بریارا خۆ ڤه‌كێشانێ هاته‌دان ،هه‌روه‌سا مه هه‌ستكر مانا ئێكگرتوودناڤ حكومه‌تێ دا ژى كارتێكرنێ ل سه‌ر خوشكرنا ژیانا خه‌لكى ناكه‌ت.
به‌هزاد زێبارى ل دوور ڤه‌كێشانا ئێكگرتویێ ل حكومه‌تا هه‌رێما كوردستانێ دا بۆ روژناما ئه‌ڤرۆ دده‌ته دیاركرن كو یا خویایه ئه‌گه‌رێ سه‌ره‌كى یێ خوه ڤه‌كێشانێ ژ حكومه‌تێ ئه‌وه كو ئێكگرتویێ به‌رى 25روژا چه‌ند داخازیه‌ك پێشكێشى حكومه‌تێ كرن كو ئه‌و ژى 24خالێن سه‌ره‌كى بوون تایبه‌تى ئه‌ڤ خاله گرێدا خوشكرنا ژیانا هاولاتیان و چێكرنا موچه‌ى،لێ پشتى ئه‌و ده‌مێ مه بۆ حكومه‌تێ دیاركرى حكومه‌تێ دیاركر كو مه شیانێت جێبه‌جێكرنا ڤان مه‌رجان نینه.
گۆت دیاره چاكسازى ناهێته‌كرن و چ ئیراده‌كا جدى ژى نینه،ژبه‌ر هندێ ئه‌گه‌رێ سه‌ره‌كى ئه‌وه كو ئێكگرتویێ هه‌ست ب هندێ كر كو ئێدى بمینیت ژى دناڤ حكومه‌تێ كاریگه‌ریه‌كا وه‌ها نابیت.
سه‌باره‌ت مه‌رجێن ئێكگرتویێ زێبارى گۆت كو ئه‌ڤ مه‌رجه دوو ره‌هه‌ند بین ره‌هه‌نده‌كێ دارایى بوو ب ژیانا خه‌لكى ڤه و ره‌هه‌ندێ دى ژى سیاسى بوو و هه‌تا دان ستاندن دگه‌ل به‌غدا،ره‌نگه گرێدى ئارامكرنا سلێمانیێ كو ل وى ده‌مى دا خوپیشاندانان ئه‌نجامێن خراب هه‌بوون،هه‌رچه‌نده حكومه‌تێ گۆت ئه‌م ئاماده‌ینه رسوماتا كێم كه‌ین وه هنده‌ك پێنگاڤێت باشتر بهاڤێژین،لێ ب راستى ئه‌ڤه دئاستێ پێدڤى دا نه‌بوو،چونكى حكومه‌تێ نه‌شیا مه‌رجێت سه‌ره‌كى جێبه‌جێ بكه‌ت،هه‌رچه‌نده ئێكگرتویێ ده‌م ژى دا حكومه‌تێ بۆ ماوێ زێده‌تر ژ 20روژا،لێ حكومه‌تێ گۆت مه شیاندا نینه.
ئاماژه دا وێ چه‌ندێ ژى كو هه‌ر لایه‌نه‌كێ سیاسی ئازاده به‌رى هنگى ژى ئێكگرتوو ئوپسسیوون بوو،هیچ په‌یوه‌ندى ب ده‌نگدانێ ڤه نیه،كو بێژن ئارمانجا ئێكگرتویێ ب ده‌ستڤه‌ئینانا ده‌نگانه.گۆت ب راستى ئه‌گه‌ر حكومه‌تێ دشیاندا با خزمه‌تا هاولاتیان بكه‌ت ره‌نگه ئێكگرتوو یا به‌رده‌وام با دحكومه‌تێ دا،به‌لێ حكومه‌ت یا دبێژیت نه‌شێین ژیانا خه‌لكى خوش بكه‌ین.
