بچووكترین هوزانڤان نه‌شیا خوه به‌رامبه‌رى كاره‌ساتا شنگال بێده‌نگ بكه‌ت
ئه‌ڤرو نیوز ،بارزان مزوورى
دادڤین عیدو سه‌برى ل سالا 2005 ل باعه‌درێ ژ دایك بویه كورێ هوزانڤان عیدو سه‌برى یه بچووكترین هوزانڤانه ل ده‌ڤه‌را باعه‌درێ، نوكه مژیلى كلیپ كرنا هوزانه‌كێ یه.
دادڤین عیدو ، بو ئه‌ڤرو نیوز ئاشكرا كر كو نها مژیلى كلیپ كرنا هوزانه‌كێ یه بناڤێ “ئه‌ڤه ئه‌ز هاتم ” ل دۆر كاره‌ساتا شه‌نگالێ یه ئه‌وا چه‌كدارێن تیرورستێن داعش دژى كوردێن ئیزدى ئه‌نجامدى.
ناڤبرى ئاشكرا كر كو ئێكه‌مین هوزانا وى ل سالا 2012 ل قوتابخانا زوهێرا یا بنه‌ره‌ت ل باعه‌درێ گوتیه ده‌مێ د ئاهه‌نگێن بیره‌وریێن ئادارو نه‌وروزێدا و دگه‌له‌ك ئاهه‌نگێن ده‌ڤه‌را باعه‌درێ دا به‌شدار بویه بو گوتنا هوزانا وه‌ك بچووكترین هوزانڤانێ ده‌ڤه‌رێ.
