بڕیارا لێخۆشبوونێ ب رێژەیا 20% بۆ قەرێن بچووك یێن لاوان دێ هێتە دەركرن
هەرهین محەمەد:
رێڤەبەرێ نڤیسینگەها قەرزێن بچووك بۆ لاوان ئاشكەرا كر، هەر ژ دەستپێكا دانا قەرزان بۆ گەنجان دو هزار و 346 گەنج مفاداربووینە و هەتا نوكە هندەك ژ وان قەرزێن خوە دئینن و ل ڤان نێزیكان رازیبوون هاتیە كرن كو بریارا لێخۆشبوونێ ب رێژا 20% بۆ هەموو خودان قەرزان دێ هێتە جێبەجێكرن و گۆت: نوكە ل نڤیسینگەها قەرزێن بچووك بۆ لاوان ب تنێ قەرزان وەردگرن و هەر ژ دەستپێكێ هەتا نوكە 2340 گەنج مفاداربووینە.
گوهدار عەبدوللا، رێڤەبەرێ قەرزێن بچووك بۆ لاوان گۆت: بریارا لێخوشبوونێ بۆ هەموو قەرزان دەركەفت بوو، ب تنێ قەرزێن بچووك بۆ لاوان مابوو، مە نڤیسارەك داخوازكر ژ هەولێرێ، ئەرێ بۆچی ئەو بریارە ژ قەر زێن بچووك نەگرت و وان ژی بەرسڤ دا گۆتی مە ژبیركربوو، پشتی هینگێ وەزیرێ نڤیسارەك دا ئەنجومەنێ وەزیران كو ژ مە ژی بگریت.
زێدەتر گۆت: خوشبەختا نە ل هەیڤا بوری ئەنجومەنی بریار ل سەردا كو لێخوشبوون ب رێژەیا 20% ژ قەرزێن بچووك ژی بگریت و بەری نوكە 15% بوو و نێزیكی 450 كەسان ژی مفادار بوون و نوكە ئەنجومەنی رازبوون یا كری و ب تنێ یا مای نڤیسار ب فەرمی بهێن و ئەڤ لێخۆشبوونە ژی ب تنێ بۆ سێ هەیڤایە و ئەڤ بریارە گەلەك د سوشیال میدیایێ دا گەلەك بەلاڤ ببوو، هەكە نڤیسارا فەرمی بهێت ئەم ژی دێ ل سوشیال میدیایێ و پەیچێن خوە یێن تایبەت بەلاڤكەین و دا كو خەلك بزانین.
زێدەتر گۆت ژی: هەر كەسەكێ قەرز ل سەر هەبیت لێخۆشبوون ژێ دگریت، بەلێ ب مەرجەكی ئەو قەرزێ ل نك مایی هەموویێ ل سەر ئێك ب زڤرینیت ب ئێك كوژمە و ئەڤ بریارە بهێت باوەردكەم گەلەك دێ قەرزێن خوە دەن و هەتا نوكە 80% قەرزێن مە هاتینە زڤراندن و ب تنێ 20% یێن ماین و هەر كەسەكێ قست وەرگرتی گەلەك لنك نەمایە، لەورا یێ پشت راست بە رێژەكا باش دێ هێن بۆ ئەداكرنا قەرزێ خۆ.
خویاژی كر، بەری نوكە پرۆژێ گەشانەوە ڤەبوو، نێزیكی هەشت كەسان ژێ مفاداربوون و هەر كەسەكی 150 ملیون وەرگرتن ژ بۆ بەرفرەهكرنا پرۆژێ خۆ، بەلێ دڤێت وی كوژمەی د دەمێ سێ سالان دا بزڤرینت و بۆ دانا ڤی قەرزی ژی چو كەفیل نەبوون، ب تنێ پرۆژێ وی كەفیلێ وی یە و هەكە قەرزێ خوە نەدەت پرۆژێ وی دێ هێتە رادەستكرن.
رێڤەبەرێ قەرزێن بچووك بۆ لاوان ئەو چەندە ژی گۆت: نوكە ل نڤیسینگەها قەرزێن بچووك بۆ لاوان ب تنێ قەرزان وەردگرن و هەر ژ دەستپێكێ هەتا نوكە 2340 گەنج مفاداربووینە و ئەو بۆ قەیرانا دارایی و بۆدجە هاتە راوەستاندن و ئەم ژی نەچاربووین دانا قەرزا ب راوەستینین.
