بڕیارا وەزارەتا كۆچبەرێن ئیراقێ دژی مافێن مرۆڤی و ئاوارەیانە
دلڤین رەشید:
رێڤەربەرێ كۆچ و كۆچبەران و بەرسڤدانا قەیرانان ل دهۆكێ دیار كر، وەزەراتا كۆچ و كۆچبەران ل ئیراقێ بڕیارەك دەربارەی ئاوارەیێن شنگالێ دایە و دبێژیت: ئەو بڕیارە دژی مافێ مرۆڤی یە.
پێر دەیان جەعفەر، رێڤەبەرێ كۆچ و كۆچبەران ل دهوكێ بۆ رۆژناما ئەڤرۆ دیاركر، ل دووڤ ئەو بڕیارا ژ لایێ وەزارەتا كۆچ و كۆچبەرێن ئیراقێ هاتیەدان، ئەو ئاوارەیێن هەتا نوكە د بن خیڤەتان دا دژین ناهێنە هەژمارتن ئاوارە، بەلكو وەكو كەسێن خوەجهـ دێ هێنە هەژمارتن و گۆت: «ئەڤ بڕیارە پێشێلكاریە دژی ماڤێ مرۆڤ و ئاوارەیان».
گۆتژی: «نابیت ئاوارە ژ ماڤێ خۆ یێ ڤەگەڕیانێ بهێنە بێ بەهركرن، بەلكو دڤێت پشتەڤانیەكا تایبەت و قەرەبوویا وان ژی بهێتە كرن، لەو دڤێت ئەم هەموو بزاڤان بكەین ئەو بڕیار نەهێتە بجهئینان و خەلكێ مە ب سەرفرازی ڤەگەڕنە سەر دەڤەرێن خۆ و خزمەتگوزاری ژ لایێ حكومەتا ئیراقێ ڤە ژ بۆ وان بهینە دابینكرن، داكو دەست ب ژیانا خۆ یا ئاسایی بكەن».
پیر دەیان گۆتژی: «هەتا نوكە نێزیكی 280 هزار ئاوارە د كەمپان دا ل سنۆرێ پارێزگەها دهۆكێ دژین».
