بڕیارا پله‌بلندكرنا فه‌رمانبه‌رێن وه‌زاره‌ته‌كێ هاته‌دان
ئه‌ڤرۆ:
وه‌زاره‌تا دارایی یا هه‌رێما كوردستانێ بڕیارا پله‌بلندكرنا فه‌رمانبه‌رێن پله ئێك یێن سه‌ر ب وه‌زاره‌تا خواندنا بلند ڤه راگه‌هاند، بڕیار بۆ وان فه‌رمانبه‌رایه یێن هه‌تا 31/12/2015 ده‌مێ پله بلندكرنا وان هاتی.
ل گۆره‌ی نڤیساره‌كا وه‌زاره‌تا دارایی و ئابووری یا حوكمه‌تا هه‌رێما كوردستانێ كو ل 16 ڤێ مه‌هێ ده‌ركه‌فتیه، داخواز ژ وه‌زاره‌تا خواندنا بلند كریه، لیسته‌كا تمام یا پێزانینێن وان فه‌رمانبه‌رێن پله ئێك كو ژ 31/12/2015 ده‌مێ پله‌بلندكرنا وان هاتی بۆ بهنێرن.
هه‌روه‌سا داخواز كریه، پێدڤیه لیسته‌كێ ژی ل گه‌ل دیاركرنا گوژمێ وی پارێ پشتی پله‌بلندكرنێ بۆ بهنێرن دا كارێ پێدڤی بۆ بهێته كرن.
ئه‌ڤه د ده‌مه‌كی دایه ل سالا 2016 وه‌ره پله‌بلندكرنا فه‌رمانبه‌رێن هه‌رێمێ ژبلی وه‌زاره‌تێن ناڤخوه و پێشمه‌رگه‌ی هاتینه راوه‌ستاندن، هه‌تا نوكه ژی ده‌مێ ده‌ستپێكرنا پله‌بلندكرنێ نه‌هاتیه راگه‌هاندن.
