بڕیاره‌كا وەزارەتا خواندنا بلند ل دۆر زمانێ کوردی دھێتە ھەلوەشاندن
ئه‌ڤرۆ نيوز:
وەزارەتا خواندنا بلند و ڤەکۆلینێن زانستی بڕیارا خوە ل دۆر زمانێ کوردی راگرت و ژێدرەکی دیار کر، دێ ب بڕیار ب ئێکجاری ھێتە ھەلوەشاندن ژبەرکو بوویە جھێ دلگرانیا شارەزایێن زمانێ کوردی و ناھێتە بجھئینان، ئەڤە ژی پشتی چەندین کارڤەدانێن شارەزایێن زمانێ کوردی دژی بڕیارا وەزارەتێ یە.
ژێدەرەکێ ئاگەھدار بۆ رۆژناما ئەڤرۆ گۆت “پشتی بڕیارا وەزارەتا خواندنا بلند و ڤەکۆلینێن زانستی ل دۆر زمانێ کوردی ھاتیە دەرکرن، کو ھژمارکرنا نمرەیێن زمانێ کوردی بۆ دەرچوویێن شەشی ئامادەیێ ناھێنە ھژمارتن و دێ ب شێوەیێ ئارەزوومەند بیت، کارڤەدانێن زۆر ب دووڤ دا ھاتن و بوویە جھێ دلگرانیا قوتابی و شارەزایێن زمانێ کوردی، لەوڕا ژلایێ سەرۆکایەتیا ھەرێما کوردستانێ ڤە پەیوەندی ب وەزارەتا خواندنا بلند و ڤەکۆلینێن زانستی ھاتیەکرن و پێداچوونێ ب ڤێ بڕیارا خوە دا بکەت و بڕیار بھێتە ھەلوەشاندن.
ژێدەری نەڤیا ناڤێ وی بھێتە بەلاڤکرن گۆت ژی “وەزارەتا خواندنا بلند و ڤەکۆلینێن زانستی ژی رازیبوونا خوە نیشا دایە کو بڕیار بھێتە راگرتن و پشتی کۆمبوونەکا وەزارەتێ دھێتە ئەنجامدان بۆ ڤێ مەرەمێ دێ بڕیار ھێتە ھەلوەشاندن ژبەرکو ئاخفتنێن شارەزایێ زمانێ کوردی دێ زیان بۆ زمانێ کوردی ھەبیت”.
