بڕیارێن سەرۆكێ حكومەتێ ل دۆر ژینگەهێ ل ئاكرێ دهێنە بجهئینان
رەمەزان زەكەریا:
هەموو جهێن شولەژی ل ئاكرێ هاتنە راسپاردن بۆ بجهئینانا وان بڕیار و رێنمایێن مەسرور بارزانی، سەرۆكێ حكومەتا هەرێما كوردستانێ ل دۆر پاقژیا ژینگەهی داین.
د. دلاوەر بوزۆ، دەڤەردارێ ئاكرێ بۆ ئەڤرۆ خویا كر، ئەو ل گەل لایەنێن پەیوەندیدار ل دەڤەرداریا ئاكرێ كۆمبوون و راسپاردن ژ بۆ بجهئینانا بڕیار و راسپاردێن سەرۆكێ حكومەتا هەرێما كوردستانێ ل دۆر پاراستن و پاقژ راگرتنا ژینگەهێ و نەهێلانا ئەگەرێن پیسبوونا ژینگەهێ و بەلاڤبوونا نەخوشیان.
د. دلاوەر گۆت: «ئەم هیڤیدارین هەموو لایەن و وەلاتی پێگیریێ ب ڤان بڕیاران بكەن و هاریكاربن ژ پێخەمەت بەرژەوەندیا گشتی، هەروەسا ئەو كەسێن سەرپێچیكار دێ ل دووڤ یاسا و رێنماییان سەرەدەری د گەل دا هێتە كرن و هێنە سزادان».
