بڕیارەكا دی ل دۆر مووچەیێ فەرمانبەران دێ هێتەدان
هەولێر، قائید میرۆ:
ئەندامەكێ لیژنا دارایی ل پەرلەمانێ ئیراقێ ئاشكرا كر، سەردانا شاندێ حوكمەتا هەرێما كوردستانێ ژ ئالیێ سیاسی ڤە كاریگەری هەبوویە و دبێژیت: بەری ب دووماهی هاتنا ئەڤ سالە بڕیارەكا دی ل دۆر مووچەیێ فەرمانبەران دێ هێتەدان.
دكتۆر خەلیل دۆسكی، ئەندامێ لژنا دارایی ل پەرلەمانێ ئیراقێ بۆ رۆژناما ئەڤرۆ دیار كر، سەرەدانا شاندێ حوكمەتا هەرێما كوردستانێ بۆ بەغدا ژ ئالیێ سیاسی ڤە كاریگەریێن زۆر ل سەر ئالیێن سیاسی یێن ئیراقی هەبووینە و گۆت: «پێدڤیە سەرەدانێن وەسا ل سەر ئاستێن بلند بەردەوامبن بۆ بەغدا و چارەكرنا ئاریشەیان، هنارتنا دو ترلیۆن و 100 ملیار دیناران ب قەڕ نینە، بەلكو وەك پێشینە داینە هەرێما كوردستانێ و ژ پشكا بودجەیا هەرێما كوردستانێ ل دوماهیا ئەڤ سالە دێ هێنە ڤەگەڕاندن».
دكتۆر خەلیل دۆسكی گۆتژی: «بەری دووماهیا ئەڤ سالە جارەكا دی پێداچوون بۆ هنارتنا مووچەیێ فەرمانبەرێن هەرێما كوردستانێ دێ هێتە كرن و ئەز باوەرم دێ بەغدا گوژمەكێ دی یێ پارەی دەتە هەرێما كوردستانێ بۆ بەلاڤكرنا مووچەیێ فەرمانبەران، چونكی دڤێت مووچە مەهانە ل سەر فەرمانبەران بهێنە بەلاڤكرن، لەوڕا ئەزێ گەشبینم دێ بڕیارەكا دی دێ هێتەدان ل دۆر مووچەیێ هەرێما كوردستانێ».
