بڕیار هاتیهدان مامۆستایێن وانهبێژ ببنه گرێبهست
ههولێر، سولین سلێمان:
نوونهرێ مامۆستایێن وانهبێژ ل ههرێما كوردستانێ دیار كر، بڕیار هاتیه دان مامۆستایێن وانهبێژ ب شێوازێ گرێبهست بهێنه دامهزراندن.
سهلاحهددین حاجی، نوونهرێ مامۆستایێن وانهبێژ ل ههرێما كوردستانێ بۆ رۆژناما ئهڤرۆ دیار كر، د نوكه دا بڕیار هاتیه دان مامۆستایێن وانهبێژ ب شێوازێ گرێبهست بهێنه دامهزراندن و گۆت: “ئهم ل گهل وهزیرێ پهروهردێ كۆمبووینه و مه گهنگهشه ل سهر گهلهك پرسێن گرنگ و گرێدای چارهنڤیسێ مامۆستایێن وانهبێژ كریه، دیسا “.
ناڤهاتی خویا ژی كر، د كۆمبوونا وان دا ل گهل وهزیری، هاتیه دیاركرن كو سالا بهێت ل دووڤ خالبهندیێ سالانه چهند هزار مامۆستایێن وانهبێژ ب شێوێ گرێبهست دێ هێنه دامهزراندن، چونكی ئهگهر ههموو مامۆستایێن وانهبێژ پێكڤه ببنه گرێبهست دێ بیته بارگرانی ل سهر حوكمهتێ، ژ بهركو 30 هزار مامۆستانه.
