بکارئینەرێن ئایفۆنا نوو گازندا دکەن
هژمارەیەكا بكارئینەرێن ئایفۆن 15 گازندێ ژ وێ چەندێ دكەن كو زەنگا ئاگەهداركرنێ یا مۆبایلێ ب شێوەیەكێ دروست كار ناكەت.
ل دووڤ ئاژانسێن تایبەت د ڤی واری دا: «هژمارەكا بكارئینەرێن ئایفۆن 15 گازندێ ژ وێ چەندێ دكەن كو زەنگا ئاگەهداركرنێ یا مۆبایلێ كار نەكریە هەر چەندە پتر ژ جارەكێ دووبارە دەمێ ئاگەهداركرنێ دەستنیشان كریە لێ هەر كار نەكریە».
دیار ژی كریە كو رەنگە ئەگەرێ وێ چەندێ ژ بۆ ساخلەتەكی د سیستەمێ
iOS 17 دا ڤەدگەڕیت بێی ئەو ئەگەرە بهێتە زانین.
گەلەك ژ كەسێن روی ب روی ڤێ ئاریشەیێ بووین دیار كرینە كو سەرەرای دەستنیشانكرنا وان بۆ دەمێ زەنگا ئاگەهداركرنێ لێ دەنگ ژێ نەهاتیە بێی وان ب دەستێن خۆ زەنگا ئاگەهداركرنێ راوەستاندبن.
