بھایێن پانزینێ ل ڤی وەلاتی ئەرزانترین بھانە ل جیھانێ

ئەڤرۆ نیوز، ئەیاد بەرواری:
ل دووڤ راپۆرتێن ھاتینە بەلاڤکرن ل سەر گرانترین و ئەرزانترین بھایێن پانزینێ ل وەلاتێن جیھانێ، دیاربوو کو گرانترین بھایێ پانزینێ ل جیھانێ ل وەلاتێ نەرویجێ یە کو گالۆنەکێ پانزینێ (نێزیکی 4 لتران) ب 10 دۆلار و 12 سەنتایە، ل دووڤ دا تورکیا دھێت کو ھەر گالۆنەک ب 9 دۆلار و 41 سەنتایە و پاشی ئیسرائیل دھێت کو بھایێ ھەر گالونەکێ پانزینێ ب 9 دۆلار و 28 سەنتایە، ھونک کونک ل رێزا چارێ دھێت ب 8 دۆلار و 61 سەنتان و ھولەندا ل رێزا پێنجێ دھێت ب 8 دۆلار و 26 سەنتان و دانیمارک ل رێزا شەشێ دھێت ب 8 دۆلار و 20 سەنتان و ئیتالیا ل رێزا ھەفتێ دھێت ب 8 دۆلار و 15 سەنتان.

وەلاتێ فەنزویلا ژی ل رێزا ئێکێ دھێت ل سەر جیھانی د ئەرزانیا بھایێ پەنزینێ دا، کو ھەر گالۆنەکێ پانزینێ (نێزیکی 4 لتران) ب 9 سەنتان دھێتە فرۆتن و سعودیە ل رێزا دویێ دھێت ب 61 سەنتان و کوێت ل رێزا سیێ دھێت ب 89 سەنتان و مسر ل رێزا چارێ دھێت ب ئێک دۆلار و 73 سەنت و ئیمارات ل رێزا پێنجێ دھێت ب دۆلارەکی و 89 سەنتان و نێجیریا ل رێزا شەشێ دھێت ب 2 دۆلار و 32 سەنتان و ئیران ل رێزا حەفتێ دھێت ب 2 دۆلار و 80 سەنتان.
ھەر چەندە وێ لیستێ 61 وەلات ب خوەڤە گرتبوون، بەلێ ناڤێ عیراقێ تێدا نەھاتبوو.

کۆمێنتا تە