بھایێ وان تشتا بزانە یێن تە ھەین
ئه‌ڤرۆ نيوز:
وەختێ ئەم تشتەکێ ژ دەست ددەین ژنوی تێدگەھین کا مە چ ژ دەست دا، و دبێژین خوزی ئەو تشت دوبارە بو مە بزڤریتەڤە و وەخت پشت و پشت زڤریبا داکو وی تشتی ب دەست ڤە بینینەڤە، ئەڤجا بۆچی ئەم دێ رێکێ دەین ئەڤ روودانە چێبیت، بوچی دڤێت حەتمەن تشتەکێ ژ دەست بدەین کو خەمێن ژ دەست دانا وی تشتی بخوین بوچی ھەکو مە ھەیی ئەم بھایێ وێ نزانین؟
مە ساخلەمی یا ھەی بەس ئەم بھایێ وێ نزانین، ئەم بھایێ وێ ھەناسا مە ھەی نزانین و وی مێشکێ مە ھەی نزانین، بھایێ وێ ئارامیا مە ھەی نزانین، بھایێ ھندێ کو ئەم دساخین و دشێین ژیانێ بکەین نزانین کو ئەڤە بخۆ مەزنترین نیعمەتە، حەتا ئەو وەختێ مە ھێز ھەی ئەم مفای ژێ نا وەرگرین پشتی ژیێ مروڤی دچیت ژنوو دبێژین خوزی مروڤ بۆ وان سالا زڤریبا و ئەو کارێت دلێ مروڤی دخواستن مروڤی کربان.
ئەڤجا وەرن پیچەک بھای بزانین بھایێ ھندێ کو ئەم یێت ھەین و بھایێ وی تشتێ کو خودێ دایە مە بزانین و بزانین ئەم د کاملین و د بێ کێماسینە و دڤێت بھایێ ھەر تشتەکێ مە ھەی بزانین ھەکە ئەم کێماسیەکێ ل خوە بینینە دەر ئەڤە خەلەتیا مەیە چونکی ئەم د بێ کێماسی نە و ل بەھانا دگەڕین کو خوە ب وی رەنگی دیار بکەین .
ئەڤجا ژبیر نەکەن ئەو مروڤێت کو بھایێ تشتێ ھەیی نەزانن ھەکە خۆ چ تشتی بدەنە وان ھەر بھایێ وی نزانن ژبەرکو ئەو مروڤێن بھا نیاس نینن.