بھایێ کارەبا موەلیدان ل ھەموو پارێزگەھان دێ ھێتە وەکھەڤکرن
ئەڤرۆ نيوز:
نوونەرێن سەرپەرشتێن موەلیدێن ئەھلی ل ھەرێما کوردستانێ بڕیار دایە، ژ مەھا تەباخێ و وێڤە، بھایێ کارەبا موەلیدەیێن ئەھلی ل ھەرێما کوردستانێ و ل ھەموو پارێزگەھان ببیتە ئێک و ھندی ئێک لێ بھێت و بڕیار یا سەرانسەری بیت.
ل گۆرەی دووماھی بڕیارا لیژنا سەرپەرشت کو نوونەرێ پارێزگەھا دھۆکێ یێ موەلیدەیێن ئەھلی (بەشیر محەمەد عەلی) ژی ئیمزا ل سەر کریە و دانەیەک ژ وێ کونوسێ ب دەست رۆژناما ئەڤرۆ کەفتیە تێدا ھاتیە: بھایێ کارەبا موەلیدان ل گۆر داتابێسەکی بیت کو بڕیار یا سەرانسەری بیت و ل ھەموو پارێزگەھان ھندی ئێک لێ بھێت و ھەر سێ ھەیڤان جارەکێ لژنا بلند یا ھەموو پارێزگەھێن ھەرێمێ کۆم ببیت و پێداچوونێ تێدا بکەت و بھایێ ھەموو پارێزگەھان ژ لایێ لژنێ ڤە د ئێک رۆژ دا بھێتە راگەھاندن.
د وێ کۆمبوونێ دا بڕیار ھاتیە دان کو پێدڤیە لژنێن سەرپەرشت یێن موەلیدان یێن ھەر چار پارێزگەھێن ھەرێما کوردستانێ پێگریێ ب ناڤەرۆکا کونوسێ بکەن و پێگیربن ب وی بھایێ دھێتە دەستنیشانکرن، بەروڤاژی ڤێ چەندێ دێ ل ھەمبەری قانوونێ بەرپرسیاربن و ل ڤێ ھەیڤا تەباخێ ئەڤ لژنە دێ دەست ب کارێ خوە کەت و بڕیارێ ل سەر ئاشکراکرنا بھایێ کارەبا موەلیدەی بۆ ھەیڤا تەباخێ راگەھینیت.
