بۆكسڤانێ ئۆكراینا ناسناڤێ جیهانێ پاراست
ئهڤرۆ،
بۆكسڤانێ وهلاتێ ئۆكراینا ئهلیكسهندهر ئۆسێك ناسناڤێ قارهمانیا جیهانێ بۆ كێشا گران پاراست پشتی شیایی د یاریا دووماهیێ دا ب سهركهفیت ل سهر ههڤڕكێ خوه یێ ئنگلتهرا ئهنتۆنی جۆشۆا ل سهرجهمێ سێ دادڤانا ب بڕیارا دو ژوانا، د ههڤڕكیێن وان دا ئهوا دوهی ل باژێرێ جهده یێ سعودیێ هاتیه كرن كو دهێته هژمارتن بۆ جارا دویێ یه باژێرهكێ رۆژههلاتا ناڤین ئهڤێ قارهمانیێ مێڤان دكهت.
ئۆسێك شیا ناسناڤێ خوه یێ جیهانی پارێزیت پشتی ههر ئێك ژ ناسناڤێن دهستهیا بۆكسڤانێن نێڤدهولهتی، ئێكهتیا جیهانی و رێكخراوا جیهانی یا بۆكسڤانا كو ئهڤ قارهمانیه ژلایێ ئێكهتیا بۆكسینگا سعودیێ ب ههڤكاری ل گهل یا نێڤدهولهتی هاتیه رێكخستن دبیته شهڕێ دویێ یێ بۆكسانێ دناڤبهرا ههردو ستێرێن جیهانی پشتی یا سالا 2021 ل پایتهختێ ئنگلتهرا بریتانیا هاتبوو كرن ب سهركهفتنا ئۆسێك ل سهر جۆشوایی.
