بۆكسڤانێ روسی ناسناڤێ خوه یێ جیهانێ پاراست
ئه‌ڤرۆ،
بۆكسڤانێ وه‌لاتێ روسیا دمیتری بیڤۆل ناسناڤێ قاره‌مانیا جیهانێ یا WBA پاراست پشتی د یاریا دووماهیێ دا ب سه‌ركه‌فتی ل سه‌ر بۆكسڤانێ مه‌كسیكی ساوول كانیلۆ ئه‌لڤارێز، د هه‌ڤڕكیێن واندا ئه‌وا ل باژێرێ نیڤادا یێ لاس ڤیگاسا وه‌لاتێ ئه‌مریكا هاتیه كرن .
بۆكسڤانێ روسی بیڤۆل یێ 31 سالی شیا ب كۆمكرنا زێده‌كر خالان پێشكه‌ڤیت ب سێ كۆمان، 115- 113، 115- 113 و 115- 111 خالان ب كۆمكرنا گشت دادڤانێن یاریێ و شیا ناسناڤێ خوه یێ وه‌رزێ بوری پارێزیت كو دبیته سه‌ركه‌فتنا 20 وه‌كو یاریزانێ پیشه‌كار ژوانا 11 جاران د یاریێن دووماهیێ دا دربێ كه‌تنێ ل هه‌ڤڕكێ خوه دایه، ژلایێ خوه‌ڤه بۆكسڤانێ مه‌كسیكی 31 خوساره‌تی د كاروانێ خوه یێ وه‌رزشی داینه و 57 سه‌ركه‌فتن ژوانا 39 دربێن كه‌تنێ تۆماركرینه.
