بۆمبەبارانا فروکێن تورکیا زیان ب کووڤیێن ده‌ڤه‌را بارزان ژى گەھاندی نە
ئەڤرو نیوز، نەوزاد زادە ھلوری:
ژ به‌رده‌واميا تۆپبارانا فروکێن جەنگیێن تورکیا ل سنوورێن ناحی و چەند گوندەکێن سنوورێ دەڤەرا بارزان گه‌له‌ك زيانێن مادى و گيانى ل پاش خوه هێلان و بوونه مه‌ترسى ل سه‌ر ژينگه‌ها ده‌ڤه‌رێ ژى.
سالح حسێن رێڤەبەرێ دارستان و پاوانا مێرگەسوورێ بۆ ئەڤرۆ نیوز گۆت: (ژ ئەنجامێ بومبەبارانا فروکێن تورکیا بۆ سەر سنوورێ ناحیا شێروان و گوندێن مێروز و تویێ و پێندر و ھویە و دورێن قەزا مێرگەسوورێ زیانێن مادی ب پوش و پاوان و پەلەخ و خوارنا گیانەوەرێن خومالی ب تایبەتی گیانەوەرێن کووڤی گەھاندی یە).
ل دۆر زیانێن کوڤیان زێدەتر گۆت: (ژ ترسا بومبەیێن فروکێن تورکیا ھژمارەکا زور یا گیانەوەرێن کووڤیێن دەڤەرا بارزان وار و جھێن خوە چولکرینە و کوچبەری ھندەک دەڤەرێن دن بووینە و ئەگەر بومبەباران یا بەردەوام بیت رەنگە سنوورێ دەڤەرێ بجھـ بھێلن و قەستا دەرڤەیێ سنوورێ باشوورێ کوردستانێ ل دەڤەرا سنووری یا مێرگەسوور بکەن و زێدەباری کو نھا دەڤەرەکا زور یا پوش و پاوانێ خوارنا کووڤیان ھاتیە سووتن).
