بۆچوونا من راست دەر نەكەفت
عەزیز هەورامی:
كازیوە شاهۆ، كچەكا خودانكارە، نوكە خودانا (گازی كافی) یە، د دیدارەكێ دا بۆ رۆژناما ئەڤرۆ گۆت: پشتی من زانكۆ ب دووماهی ئینای من هزر دوێ چەندێ دا كر كو پرۆژەیەكێ بچووك دانم، هەلبەت من دو مەرەم پێ هەبوون، یا ئێكێ دا دمالدا بێكار نەمینم، یا دویێ ژی دا هاریكاریا مالا خوە بكەم، پشتی من ئەڤ كافیە ڤەكری و شریناهی و قەهوە لێ چێكرین، بۆ من دیاربوو كو من شیانێن كاری یێن هەین، لەورا من كارێ خوە بەرفرەهتر لێ كەم و داخوازێ ژ هەموو كچان دكەم ئەوێن بێكار د مالێن خوە دا نەروونن و هەر ئێك ژ هەوە دەست ب كارەكی بكەت، هەتا هەكە یێ بچووك ژی بیت دێ هەر رۆژەك هێت دێ بەرفرەهتر لێ كەی، هەروەسا دێ داهاتەك ژی بۆتە ژێ هیت.
هەروەسا گۆت: دەمێ من ئەڤ كافیە ڤەكری من وەسا هزركر دێ ل دەستپێكی تووشی چەند ئاستەنگان بین، ژبەر رەوشت و تیتالێن دەڤەرێ، لێ سوپاس بۆ خودێ وەسا نەدەركەفت و نوكە رۆژ بۆ رۆژێ هژمارا وان كەسان یا زێدە دبیت ئەوێن سەرەدانا جهێ مەدكەن.
