بۆچوونا من
وەعد عەبدولرەحمان
د دیمەنێ بارانێ دا
نە چپكن دبارن
هندەك ژیانە
د وێنەیێ رابۆری دا
هندەك بیرهاتن هارن
بەلێ ڤیانە
د پەرتووكا ژیانێ دا
چەند شكەستن گرانن
بەلێ ڤەژیانە
د ئێستگەهێن بەندەمانێ دا
گەلەك كێلیك ئازارن
بەلێ ژڤانە
د تەرازیا هەبوونێ دا
ل دویڤ دیتنا تە دمینت
رەش و سپی
كەنی و گری
گول و ستری
هەر ئێك ل كیژ جهی
چەند ژانبەخشە و چەند ب ژانە
لەورا دوهی
من بریار دا
ب چاڤێ رۆناهیا ساڤا
تەماشە بكم
و بۆچوونە
ئەڤ راوەستانە.
