بۆچى جڤاكێ مه دژى پێكئینانا ههڤژینیا ب ئهڤینه؟
رێژین عهلى بامهرنى
چونكى جڤاك ئاوازهكا رهسهنه و پهنابرنه بۆ دیاردێن خورستى و كهلتۆرێن ههبوونێ و د ئارمانج دا ئالاڤهكێ دیاركهره، بهرههم ژێ دهردكهڤیت و نهتنێ بخوه بهلكو رهخ و دۆرێن خوه ژى گهش و رۆهن دكهت، ههر دیاردهكا د ناڤ ڤى جڤاكى دا ههى تمامكهرێ خورستیا گهردۆنى یه، ئانكو دیاردا دروستكرن و پێكئینانا خێزانێ گرێداى هندهك ههست و ئارهزۆێن تاكهكهسى یه بهرى یێن جڤاكى و كهلتۆرى بن دبیت رهنگڤهدانا ڤهرێژا دیاردهكا هۆسا كارتێكرنێن خوه یێن نهباش ههبن ل سهر جڤاكى و ئهوێن د ناڤ دا دژین و رهنگه تاریاتیێ بگههینته رڤیشتا ژى، لهورا فهره ئهڤ بابهته ژلایێ دهروونى و ساخلهمى ڤه ب هوورى ل بهرچاڤ بهێتهوهرگرتن ژ وان سیفهتێن خورستى و جوان یێن كو مللهتێ كورد پێ دهێتهناسكرن ئهڤینى و دلدارى یه، ئهڤجا ئهڤینیا سروشت و خاكا میللهتى بیت یان ئهڤینى و خوشهویستیا د ناڤبهرا كچ و كوران دابیت، میللهتێ كورد ژ وان میللهتێن ناڤداره د ڤى وارى دا ئهگهر ئهم ژلایێ ئهدهبیاتا خوهڤه تهماشه بكهین، دێ بینین ب سهدان چیرۆك و داستانێن ئهڤیندارى مێژوویا مه خهملاندینه و دیرۆكا مهیا پره ژ ڤان چیرۆكان حهتا كو ڤى سهردهمى ژى دبرسقن ئهڤ داستان و چیرۆكه ههمى ئهو بووینه یێن كو گیانهكێ خوهگوریكردنى پێڤه ۆهون و ئاشكرا بهرى كو چیرۆكێن ناڤدارێن ئهڤیندار بن، ئانكو نهتنێ ئهڤیندارێن ئیكدو بووینه، بهلكو گیانێ خوه ژى پێخهمهتى ئهڤینیا خوهگۆرى ئێكدو كرینه ژ ناڤودهنگترین داستان و چیرۆكێن مه (مهموزین، خهج و سیامهند، لاسۆ غهزال، باران و گولهنام، حهسۆ زولهیخا و ستى و فهرخ … گهلهكێن دیتر مینا ڤان چیرۆكان ههبووینه، تشتێ گرنگ ل ڤێره ئهم میللهتهكێ ئهڤیندارین ب حهزێن خوهئهڤیندار دبیت لێ ههر ژلایێ مهڤهئهم ڤان حهزان ژ ناڤدبهین ههول ددهین شوێنوارێن وان نههێلین، ههردو د ناڤ خیزانێ دا دهمێ دهێته زانین كچ یا ئهڤیندار بووى و ههولا هندێ ددهت ببیته بریاردهرا بریارا ژیانا خوه ژ ههمى لایان ڤه، دایك، باب، برا دێ ههمى ههولان دهن رێگرێى لێ بكهن تاكو ئاستهنگان پهیدابكهن پێ خهمهتى هندێ، چونكى جڤاكێ مهب دیاردهكا ب شهرم قهلهمددهت و كچ فێرى وێ چهندێ نهكریه ئهو بخوه بریاردهرا خوهبیت، ئهرێ كچ ب ههمى ههبوونا خوهڤه شهرمه؟ ئهرێ هنده ئهڤ كچه بێ بریاره نهشێت بریارهكا گرێداى تایبهت ب ژیانا خوهڤه بدهت؟ ئهرێ پهروهردا مهتا چهند پهروهردهكا شاشه ههتا كو نهو ئهم فێرى هندێ نهكربیت د سهربهست بین و بریاردهر بین و بریارێن مه بابوبرا بهلبژێرن لێ د ههمان دهم دا كوریێ ئازادبیت دبریارێن خوه دا، لێ دێ بێژین: مهچ دهرووناس و بسپۆرێن دهروونى نینن مهفیرَى هندێ بكهن ئهم باوهریهكا مكوم بخوه و خیزانا خوه چێ كهین و كهسایهتێن ئاڤاكهربین خودان بریار بین، دیسا مهچ سیستهمهكێ پهروهردهى نینه مهفێر بكهن كو چ جوداهى نینه د ناڤبهرا كچێ و كورى دا د ههلبژارتن و بریاران دا، دیسا ژ لایى ئاینى ڤهژى ئهم (دنابینن )مهچ مامۆستا زانا نینن بۆ مه ڤێ چهندێ رۆهن بكهن كو كچ ههژمار دونینه، ژبهركو چ فهرمووده و چ ئایهت ب بهلگه بۆ مه رۆهن ناكهن ئهڤا د جڤاكێ مه دا رووددهت كو كور بریار دهربیت و كچ جێبهجێكهر بیت دهرئهنجامى ڤێ ههمیێ دێ خودان جڤاكهكى بین باوكسالارى بیت پشتاو پشت بیت كو د ڤى جڤاكى دا كچ دێ تهماشهكهرا سیناریۆیهكێ بیت ئهم دێ بریارا تهدهین ژ نڤیسینا (باب، برا).
