بۆچى كوشتن د ناڤ جیهانا ئیسلامی دا؟
ئهو فاكتهرێن سهرهكى یێن كو ولاتێن ڕۆژئاڤا شیاینه شهڕ و ئالۆزییان د ناڤ خوه دا دوور ب ئێخن، جیهان بینیهكا بهێزه ژ لایێ دهولهتدار و بهرپرس و سهرۆكێن وان ڤه، ژبلى هندهك كێشهیێن بچووك، چ جاران ولاتێن رۆژئاڤا ئهگهر چهند ئێك ژ ئێكى بهێزتر ژى بیت، كارهكى ناكهن كو دوژمنایهتى و شوڤێنیهت د ناڤبهرا جڤاكێن وان دا چێ ببن و ئهولهویهتا كارێن وان پاراستنا بهرژهوهندیێن ولاتێن وان و بهختهوهریا جڤاكێن وانه ب ڕهنگهكێ ستراتیژى كو هیچ دهستههلاتهك نهشێت ڤێ ڕێڕهوا ساخلهم بگوهۆریت، ههروهسا كهلتۆر و ئاستێ رهوشهنبیریێ جڤاكى كاریگهریهكا ب هێز یا ل سهر ئهتهكێت و ڕێڤهبهریا دهستههلاتدارێن وان ههى، ئهڤ چهنده ژى هۆكارهكێ گرنگه كو سهركردێن وان بۆ بهرژهوهندیێن تایبهت و كهسێتى چ پێنگاڤێن شاش د هیچ وارهكێ حوكمڕانیێ و ڕێڤهبرنێ دا نهشێن بهاڤێژن، ئهو دهمێن جڤاك دگههنه ئاستهكێ باشێ رهوشهنبیری، دیموكراسیهت ژى دشێت ب ڕهنگهكێ ئهكیتڤ و ئهرێنى كارێ خوه بكهت، لێ د ناڤ ولاتێن ئیسلامی دا كو جهێ داخێ یه ههمى ئهڤ ڕێرهوه بهرۆڤاژیا ڕاستیێ و ژیانهكا بهختهوهر دهێنه هاژووتن، ولاتێن ئیسلامى ب گشتى یێن بووینه گورهپانێن شهڕى و سهربڕخانهیێن مرۆڤان، ژبهركو سهركردهیێن وان ب گشتى چ جۆره دلسۆزیهك دگهل خهلكێ ولاتێن خوه نینه و جڤاكێن وان ژى ژ لایێ رهوشهنبیرى و جیهان بینی و تێگههشتنێ د سنوور و مافێن مرۆڤان دا و لێك جوداكرنا سهركرده و دهستههلاتدارێن دلسۆز و ژ ههژى دگهل سهركرده و دهستههلاتدارێن نهدلسۆز و خیانهتكار د گوپیتكا لاوازیێ دانه، د ههمى وارهكی دا ل پرانیا جڤاكێن كهلتۆر ئیسلامی خوه خاپاندن زۆر یا چالاكه، ئهگهر عیراقێ بكهینه نموونه، جڤاكێن عیراقى ب گشتى ژێك هاتینه ڤاڤارتن، سهركردهیهكێ شیعه ئهگهر ببیته فریشته ژى نهشێت دلێ سوننه مهزههبهكى ب دهست ڤه بینیت، لێ ئهگهر چهندێ زاڵم و خیانهتكار بیت دلێ شیعه مهزههبى ههر یێ وی یه و بهرۆڤاژى، ههتا دگههیته حزبێن مهیێن كوردستانێ، بۆ نموونه ب گشتى تاك تاك نهبن خهلكهك كو دگهل یهكێتیێ دا بیت ڕهخنێ ب چ ئاوایهكى ل بهرپرسێن حزبا خوه ناگریت، ههروهسا د ناڤ پارتى و گۆڕان ژى دا و…هتد ب ههمان شێوه!، ئهڤ كهلتۆرهیه ئازادیێ ددهته بهرپرس و دهستههلاتداران كو ل دویف وژدان و تێگههشتنا خوه یا تایبهت كار بكهن و ئهگهر هاتو وژدان یا لاواز بوو دكارن بهرێ شهمهندهفرا كو خهلك لێ سیار بووى بۆ بهرژهوهندیهكا تایبهت ئانكو تولڤهكرنهكا كهسێتى بدهنه دۆزهخێ، ئهگهر خهلكێ عیراقێ د ئاستهكێ باشێ رهوشهنبیری دا بان، بێگومان سهركردێن عیراقێ دا نهچار بن بهرژهوهندیێن خهلكى ل بهرچاڤ بگرن، ئهگهر ب هوورى لێ بنێرین ب كێمی ڤه 90% عهرهبێن عیراقێ ل دژى پارڤهبوونا عیراقێ نه بۆ سێ پارچهیان!، بێ كو ژ خوه بپرسن رۆژانه دههان و سهدان كهس دبنه قوریانیێن عیراقا ب خورتى پێكڤه گرێدایێ!، تو تاكێ سوننه ئانكو تاكێ شیعه ژ خوه ناپرسى مادهم ژیانا زارۆك و ماڵبات و باب كالكێن ته و ژیانا نهڤیێن ته د دۆزهخێ دایه، بۆچى یێ بهرههڤ نینى ب پارڤهبوونێ دووماهى ب ڤان ههمى نههامهتیان بینى؟!، ل سهر ڤان ههمى خوه خاپاندنان دا دهمێ دبینن ب هزاران كهس بوونه قوربانى و ژیانا جڤاكى بوویه دوزهخ، ئێدى دیسا دهست ب خاپاندنهكا دی دكهن و ولاتێن دی تاوانبار دكهن!، بهلێ بێى گومان دهمێ ته دلسۆزى دگهل ژیانێ و مرۆڤایهتیێ ل ولاتێ خوه نهبیت، بۆچى چاڤهرێ دكهى ولاتهكێ رۆژئاڤا ب زۆرى وێ بهختهوهریێ ب دهته ولاتێ ته و نههێ یه ئیستغلالكرن؟!.
پێدڤیه ههر چ زوویه، جڤاكێن ولاتێن ئیسلامی خالا لاواز ببینهڤه، ژ خوه بپرسن بۆچى ولاتێن وان بوونه گورهپانێن شهڕى؟!، بۆچى رۆژانه كارهساتێن پڕ تراژیدیا د تورێن كۆمهلایهتیێ و لاپهرێن ماڵپهر و رۆژنامان دا دبینن؟!، بۆچى بهردهوام لایهنێن زانستى و رهوشهنبیرى و ئابووى و سیاسى و… هتد ل پاشن و بهرهف ههلوهرین دچن؟!، بێگومان مهزنترین كێشه ئهوه كو جڤاكێن ئیسلامى ب گشتى ههتا نوكه نهگههشتینه وێ باوهریێ كو د تێگههشتنا خوه دا بۆ چاكسازیا كهلتۆرى و ئازادیا تاك و فهرههنگى ب گشتى دنهزانن و خوه دخاپینن، بۆ قووناغا ئێكێ پێدڤیه وێ ڕاستیێ بزانن كو دنهزانن، ئهو دهمێ دان ب ڤێ ڕاستیێ دا ئینا، دیتنا ڕێیا ساخلهم دێ زۆر ب ساناهی كهڤیت.
