بۆچي ريال مه‌دريد خوساره‌ت بوو؟
تيما ته‌پا پێ يا يانا ريال مه‌دريد توشي خوساره‌تيه‌كا نه چاڤه‌رێكري بوو هه‌مبه‌ر يانا ريال سوسيداد ب دو گولان به‌رامبه‌ر چار گولان د ياريكرنا حه‌فتيا دويێ دا ژ خولا ئسپانيا، هه‌ر چه‌ند يانا ريال د يازده ده‌قيقێن ئێكێ يێن ڤێ ياريێ دا يا پێشكه‌فتي بوو ب دو گولان و ئه‌ڤه دبيته خوساره‌تيا ئێكێ بو ريال ل ڤي وه‌رزي د خولا ئسپانيا دا و ئه‌ف خوساره‌تيه نه ل ئاست و ناڤێ يانا ريال بوو چونكو نه يا چاڤه‌رێكري بوو و ڤێ چه‌ندێ ئه‌گه‌رێن خوه هه‌بوينه يێن سه‌ره‌كي ب ڤي شێوه‌ي نه.
بهێنڤه‌دانا ده‌روني و ئاراميا هزري ئه‌وا ريال ڤه‌گرتي و تايبه‌ت پشتي سه‌ركه‌فتنا ئێكێ ب دو گولان ئه‌و چه‌نده ل ده‌ف ياريكه‌رێن وێ په‌يداكر كو ل گه‌شته‌كا كه‌يفێ نه و ياري دێ گه‌له‌ك يا ب ساناهي بيت و زێده‌تر لاوازيا چاڤدێريێ د ناڤا ده‌ڤه‌را ريال مه‌دريد دا ئه‌وا سێرجيو راموس و پێپي ژ به‌رپرسيار خالا دويێ يا ئه‌گه‌رێن ڤێ خوساره‌تيێ بوو، چونكو ياريكه‌رێن تيما هه‌ڤرك ب ئاساني دهاتن و چون و زێده‌تر نه چاره‌سه‌ربونا لاوازيا هێلا به‌ره‌ڤانيێ ئه‌وا ژ وه‌رزێ بوري وه‌ره تيم پێ د ناليت و يا به‌رچاڤ و خه‌له‌تيێن كه‌سوكي و نه يا ره‌وا يه تيمه‌كا وه‌كو ريال يا ب هێز و خودانا ڤان ياريكه‌رێن به‌رنياس ل جيهانێ تور گولا وێ چارجاران بهێته هه‌ژاندن ل هه‌مبه‌ر تيمه‌كا ئاست ناڤنجي ل ئسپانيا د و زێده‌تر نه پشكداريا كريستيانو رونالدو ژي ئێك ژ ئه‌گه‌رێن خوسره‌تيێ بوون د گه‌ل پێكهاتيێ نه گونجايێ بو ڤێ ياريێ هاتيه دانان ژلايێ راهێنه‌رێ تيمێ كارلو ئه‌نشلوتي.
زێده‌باري ڤان خالێن هاتينه به‌حسكر ياريكه‌رێن يه‌ده‌كێن يانا ريال ژي ل وي ئاستي نه‌بوون كو ئاست و ئه‌نجامێ ياريێ ب گوهورن و ياريكه‌رێ ئازا نه‌شيا ئاريشا بو تيما سوسيداد دروست بكه‌ت، چونكو كه‌ريم بنزيما ل ئاستێ داخوازكري نه دهاته ديتن و هه‌ست پێ دكر تيم ب ده‌ه ياريكه‌ران ياريێ دكه‌ت و هه‌ر وه‌سا خو راگريا ياريكه‌رێن تيما هه‌ڤرك شيان ئه‌نجامي ب گوهورك و دهێته پێشبينيكرن ژ ده‌ست دانا خالێن ب ساناهي يێن ڤان ره‌نگه ياريان ل دووماهيێ ببنه ئاسته‌نگ هه‌مبه‌ر بو برنا ناسناڤي، لێ د هه‌مان ده‌م دا هانده‌ر ل ڤه‌گوهاستنێن زڤستان زێده‌تر ياريكه‌ران ل خوه خرڤه كه‌ت
