بۆچي زارۆتيڤي ناهێته ڤه‌كرن؟
رێڤه‌به‌رێ گشتيێ راگه‌هاندنێ ل وه‌زاره‌تا ره‌وشه‌نبيري و هونه‌ري بۆ به‌رپه‌رێ هونه‌ري دياركر كو ته‌له‌ڤزيۆنا (زارۆ) يا وه‌زاره‌تا ره‌وشه‌نبيري يه و بتنێ نايلساتێ په‌خش هه‌يه و كارێ مه هه‌موو بۆ ده‌سپێكا ئه‌ڤ ساله هاته پاشئێخستن و ئه‌ڤ ساله كێشا ئابووري يا هه‌رێمێ دروست بوو، كارێ مه‌هاته راوستاند، هه‌تا دووماهيا هه‌يڤا شواتێ مه چه‌ندين كار دگه‌ل كۆمپانيان و ده‌زگه‌هان كرن و هه‌موو ب قه‌ر بوون و پشتي كێشه درێژ بوويي كارێ مه هاته راوستاندن.
هه‌لگورد جندياني ئاشكراكر كو حه‌فتيا بوري نڤێساره‌ك ئاراسته‌ي وه‌زاره‌تا دارايرايي و ئه‌نجوومه‌نێ وه‌زيران كريه كو فه‌رمانگه‌ها پێداچوونێ پێداچوونه‌كێ بكه‌ت و گۆت: مه نايلسات ب پاره‌كێ زۆر گرتيه ژ نه‌ورۆزێ هه‌تا نه‌وروزێ و مه پاره‌كێ كێم داخاز كريه و هه‌كه وه‌زاره‌تا دارايي رازي بيت دشێن په‌خشێ كه‌نالێ(زارۆ) ده‌ست پێ بكه‌ين، ئاگه‌هدارين پرسێن پێشمه‌رگه‌ي و ئاواران گرنكتره، لێ مه پاره‌كێ مه‌زن مه‌زاختيه ودێ به‌ر ب ئاڤێ دا چيت، نايلسات سالانه (440) هزار دۆلاران وه‌رگريت، (290) مليۆن بۆ مافێ زنجيرێن زارۆيان بۆ دوبلاژكرنێ و بتنێ مه مافێ په‌خشكرنێ بۆ ساله‌كێ هه‌تا دو سالان هه‌نه و نۆكه دێ ده‌مێ هنده‌كا ب سه‌رڤه‌چيت.
ديسان كارێ دوبلاژكرنێ ل سته‌نبوولێ بۆ فلم كارتونان هاتيه‌كرن كو نه‌بتنێ بۆ زارۆيێن به‌هدينان بهێته په‌خشكرن و مفايي ژێ وه‌ربگرين به‌لكو هه‌تايێن باكور و رۆژئاڤا ژي و ديسان ب زاراڤێ سوراني ژي ئانكو بگشتي بۆ هه‌ر چار پارچێن كوردستانێ يه، هه‌تا مه هزرا زاراڤێ (زازاكي) ژي كربوو.
هه‌لگورد گۆتژي: نابيت زارۆبهێنه ژبيركرن و كه‌ناله‌كێ زارۆيان هه‌بيت باشه و ئه‌ڤه ده‌نگ و ره‌نگێ حوكمه‌تێ يه و پلانا حوكمه‌تێ يه بۆ ره‌وشه‌نبيركرن و په‌روه‌رده‌كرنا زارۆيان، خوه‌ياركر ژي كو گه‌له‌ك كۆمپانيا قه‌ستاوان كريه كو پرۆپاگندێ بكه‌ن لێ مه ره‌دكرينه و ئه‌ڤه كه‌نالێ ده‌وله‌تێ يه و مفا بۆ ژێرخانا ره‌وشه‌نبيري يه.
