بۆچی ئه‌پلیكه‌یشنێن گۆگل ب خوه ژی ل ده‌ستپێكێ بۆ ئایفۆنێ دهێن
ئه‌ڤرۆ:
ل ڤی ماوێ دووماهێ ئه‌پلیكه‌یشنه‌ك ژ گۆگل ده‌ركه‌فتیه كو رێ دده‌ته بكارئینه‌ران دووماهی 15 ده‌قیقه ژ لێگه‌ریانا د ناڤ مالپه‌ران دا دیلێت بكه‌ی، به‌لێ ئه‌ڤ خزمه‌ته ئه‌ڤه ماوه‌كێ درێژه بۆ سیسته‌مێ ئایفۆنێ ئای ئو ئێس هاتی و هێش بۆ سیسته‌مێ ئه‌ندرۆید نه‌هاتیه.
به‌لێ چو پێ نه‌ڤێت، تشتێ ژ هه‌موویان پتر بۆ مرۆڤی دبیته مه‌ره‌م ئه‌وه كو ئه‌و سیسته‌م بۆچی هه‌شت هه‌یڤ پێ چوون هه‌تا بۆ ئه‌ندرۆیدێ به‌رده‌ست بووی كو ئه‌و سیسته‌م یێ تایبه‌ته ب وێ.
ژبیر نه‌كه‌ین ژی ئه‌ڤه نه‌جارا ئێكێ بابه‌تێن گۆگل ل ده‌ستپێكێ بۆ سیسته‌مێ ئای ئو ئێس ل به‌ر ده‌ست دبن و پاشان بۆ ئه‌ندرۆیدێ، ژ به‌ر هندێ ژی ل ڤێره دێ ئه‌گه‌ری بۆ ته دیار كه‌ین.
ب گۆره‌یی مالپه‌رێ فون ئه‌رینا، ئه‌گه‌رێ گه‌هشتنا خزمه‌تان ل ده‌ستپێكێ بۆ سیسته‌مێ ئای ئو ئێس ب تنێ بابه‌ته‌كێ ئابووری یه، ژ به‌ر كو كۆمپانیا ئه‌پل به‌رامبه‌ر ڤان خزمه‌تان پاره‌كێ گه‌له‌ك زێده وه‌ردگریت كۆمپانیا گۆگل و باشترین گرۆڤه ژی ئه‌وه كو كو لێگه‌ریانا كه‌رستێن كۆمپانیا ئه‌پل ب رێیا لێگه‌رێ گۆگل ب خوه‌یه.
ب وێ رامانێ شرۆڤه‌كارێن كۆمپانیا Bernstein Securities وێ چه‌ندێ دیار دكه‌ن كو كۆمپانیا گۆگل 15000 ملیۆن دۆلار ل سالا 2021 داینه كۆمپانیا ئه‌پل كو لێگه‌رێ وان ل لێگه‌ریانێن ئه‌پلێ یێ سه‌ره‌كی بیت. ژ به‌ر هندێ ده‌ستكه‌فتێ ریكلامێ د ناڤ ناڤ لێگه‌ری دا گرنگترین تشته بۆ كۆمپانیا گۆگل، ژ به‌ر كو كۆمپانی دێ گه‌له‌ك ژ وی پاره‌یی زێده‌تر مفادار بیت.
هنده‌ك ژی دبێژن ئه‌گه‌ر ب تنێ ئه‌و كۆمپانیا گۆگل دڤێت كۆمپانیا ئه‌پل یا دلخۆ ژی بیت كو ئه‌و سیسته‌م ده‌ستپێكێ دگه‌هیته وان و پاشان بۆ ئه‌ندرۆیدێ به‌رده‌ست دبیت دا كو نه‌بیته ئه‌گه‌رێ وێ چه‌ندێ وێ خزمه‌تا گرنگ یا لێگه‌ریانی ل گه‌ل ئه‌پل ژ ده‌ست بده‌ت، ژ به‌ر كو دشیان دایه هه‌ر ده‌مێ كۆمپانیا ئه‌پل ڤیا لێگه‌ره‌كێ تایبه‌ت ب خوه ڤه دروست بكه‌ت. یان ژی دشیان دایه رێكه‌فتنێ ل گه‌ل لێگه‌رێ بینگ بكه‌ت و وی بكه‌ته سه‌ره‌كی.
