بۆچی ئەم دکەڤینە د ئەڤینیێ دا
ئه‌ڤرۆ نيوز:
ھەر ل وی دەلیڤا تو ل چاڤێن کەسەکی دنێری، و تە ھەست پێدکەی کو تشتەکێ ب ھێز یێ ھەی تە ب نک وی ڤە پالددەت، لێدانێن دلی بلەز دکەڤن و نیڤا دەستی خوە ددەت و ھزرا تە مژەوی دبیت، ئەرێ ئەگەرێ ڤان ھەمی ھەستان چیە؟
وەکو زانست شرۆڤەکرن بۆ ھەر رەنگڤەدانەکێ یا ھەی، ئەڤینیی ژی یا بێبار نینە ژ ڤێ چەندێ، پا شرۆڤەکرنا زانستی چیە دەمێ تو دکەڤیە د ئەڤینیێ دا.
سەرنجراکێشی:
دەمێ تو ھەست ب راکێشانا سەرنجێ بەرامبەر کەسەکی دکەی، مێشک ھژمارەکا کەرستێن کیمیاوی بەرددەت، ژ وانا “دوبامین” ئەوێ ل دەمێ ھەستکرنا ب خۆشیێ دھێتە بەردان و دبیتە ئەگەرێ ژ دەستدانا ھەستا تامێ و وەستیانێ پەیدا دکەت.
ھورمۆنێ دویێ ژی “نوریبنفیرین” کو یێ بەرپرسە ژ ھەستێن نەئارامیێ، کو دبیتە ئەگەرێ زێدەبوونا لێدانێن دلی و خوھدانێ، و پرۆتینەکێ بەرھەمدئینیت ب ناڤێ “ھوکارێ وەرارا دەماران”.
ھورۆمنێ سیێ ژی “سیروتونین”، ئەڤ ھورمۆنە وەدکەت کو ھزرا یا ب کەسەکێ دی ڤە مژوول بیت و خەون رۆژکان ببینیت و ھەست ب شاشیان نەکەت.
شەھوەت:
دەمێ ئەم دگەھینە ژیێ گەھشتنێ، ھورمۆنێ “تستوستیرۆن و ئەسترۆژین” ب بزاڤ دکەڤن، ئەڤ ھورمۆنە حەزا تاقیکرنا ئەڤینیێ د ئافرینن، ژ بەر ڤێ چەندێ ئەم ل کەسەکی دگەریێن وەکو لایەنێ دی، ئەڤ قۆناغە یا ناسیارە ب شەھوەتا ئەڤینیێ یان حەزکرنا ھەستکرنێ ب ھەستێن ئەڤینێ. کەساتی و سەروسیمایێ ژ سەرڤە رۆلەکێ گرنگ د سەرنجراکێشانا دلینیێ دا دبینن، ڤەکۆلین وەسا دیار دکەن کو بەر ب وان کەسان ڤە دچین یێن کەساتیا دایک و بابان دئیننە بیرا مرۆڤی. ھەروەسا ئەم ل وان کەسان دگەرین یێن ئەم ب بێھنا وان تەنا دبین.
گرێدان:
ھەکە بەردەوامی بکەڤیتە ھەڤەندیێ، دڤێت گرێدانەکا ب ھێز ھەبیت. ھورمۆنێن “ئوکسیتوسین و فاسوبریسین پشکداریێ د ھێزکرنا وێ گرێدانێ دا دکەت. ھورمۆنێ ” ئوکسیتوسین” ل دەمێ ھەمبێزکرنێ و ماچیکرنێ و کریارا سیکسی دەردکەڤیت. و یێ ھاریکارە بۆ ئاڤاکرنا باوەریێ و دلداریێ. بەلێ ھورمۆنێ ” فاسوبریسین” یێ بەرپرسە ژ رێکخستنا پاراستنا کەرستێن شل د لەشی دا، مێشک ڤی ھورمۆنی ل دەمێ کریارا سیکسی بەرددەت، و ئەڤە مرۆڤی ھانددەتە گرێدانێ و ھەڤژینیێ. و ل دووماھیێ ھورمۆنێ “ئەندورفین” ژی رۆلەکێ سەرەکی بۆ ھاندانا گرێدانێ دگێریت و بەرھنگاریا ئێشانێ دکەت و ھەستا ھێمنیێ بۆ مرۆڤی پەیدا دکەت.
