بۆچی ئەم دەمژمێرێ دکەینە دەستێ خوە یێ چەپێ ؟
ئەڤرۆ نیوز :
گەلەک نەریت هەنە کو رۆژانە ئەم ئەنجام ددەین و پەیرەو دکەین بێی کو بزانین ئەگەر چنە و بۆچی دڤێت ب وی شێوەی بیت ، بۆ نموونە وەکی دانانا دەمژمێرێ ل دەستێ چەپێدا.
ل دەستپێکێ ڤی نەریتی ل شەرێ جیهانی یێ ئێکێدا دەست پێکریە ، چونکی ئێکەم دەمژمێرا زەلامان ب ناڤێ “سانتۆش “هاتیە دروستکرن و بۆ ماوەکێ یا ب ناڤودەنگ بوو، چونکی وان ئەو دەمژمێر دکرە دەستێ خوە.
هەروەسا ژبەر هندێ پتریا سەربازان چەک هەلدگرت ، لەوما وان ب پێدڤی دزانی کو دەمژمێرێ بکەنە دەستێ خوە یێ چەپێ ، ژ پێخەمەت بشێن چەکی هەلبگرن و د هەمان دەم ژی دا بەرێخوە بدەنە دەمژمێرا خوە ژی.
نوکە ژی پتریا خەلکێ دەمژمێرێ دکەنە دەستێ خوە یێ چەپێ داکو ژ شکەستنێ و تێکدانێ بپارێزن ، ژبەر هندێ پتریا کارێ رۆژانە ب دەستێ راستێ دهێتە ئەنجامدان ، د هەمان دەمدا پتریا خەلکێ ب دەستێ راستێ دنڤێسن و کار دکەن.