بۆچی بڕیارا هاتنە خارا دولاری بەرامبەر دینار ل بازاران نەهاتیە بجهئینان؟
هەولێر، سولین سلێمان
هەر چەندە د پرۆژە یاسایا بودجا عیراقی بهایێ دولار بەرامبەر ب 130 هزاران هاتیە جێگیر كرن، لێ هەتا نوكە ئەڤ بریارە ل بازاراندا كار پێ ناهێتەكرن. بسپۆرەكێ ئابووری ژی ئەگەرێن وێ یەكێ ئاشكرا دكەت.
د. ئدریس رەمەزان كوچەر، مامۆستایێ زانكۆیێ و پسپۆری ئابووری بۆ رۆژناما ئەڤرۆ دیار كر، هەر چەندە حوكمەتا عیراقێ بهایێ دولاری بەرامبەر دیناری ب 130 هزار دیناران جێگیر كریە، لێ ڤێ چەندێ جیاوازی هەیە، چونكو ل بازاراندا ئەڤ بریارە كار پێ نەهاتیە كرن، ژبەر زۆریا داخازیا خەلكی سەر دولاری ژ لایەكێ دیڤە نەبوونا باوەریا خەلكی ب دینارا عیراقی بوویە ئەگەرێ وێ چەندێ دولار بەردەوام د بلندبوونێدا بیت وەكی ئەم پێشبینیا دكەین بەلكی 10,15 هزاران دولار بەرامبەر دیناری بلندتر ببیت.
خویاكر: پێدڤیە حوكمەتا عیراقێ چاڤدێرەكا باش ل سەر بازاران بكەت، دا كو ل دۆر ئەو بریارا ل پرۆژە یاسایا عیراقی دا هاتی بهێتە جهئینان.
ئاماژەكر: رێكەكا دی كۆ بهایێ دۆلاری بەرامبەر دیناری نەهاتیە خار ئەوە، حوكمەتا عیراقێ ل دووڤ داخازیێن خەلكی دولاری ناهاڤێژتە بازاری، ژبەر ڤێ چەندێ هەڤسەنگی دروست نابیت، بەروڤاژی ئەگەر حوكمەتا عیراقێ دۆلاری ل دووڤ داخازیێن وەلاتیان دولاری بێخیتە بازاری، ب ڤی شێوازی دۆلار ژی دێ دابەزینەكا باش بخۆڤە بینیت، وەكی مە دیتی ل سالێن بۆریدا بهایێ دۆلاری بەرامبەر دیناری ل 120,121 بلندتر لێ دهات، ژ بەر كۆ حوكمەتا عیراقی دۆلار ل دۆر داخازیا وەلاتیان دانا بازاری، لێ ئەو چەندا نۆكەدا دهێتە دیتن بەردەوام بهایێ دۆلاری بەرامبەر دیناری یێ نەسەقامگیرە و بەردەوام بلند دبیت.
ئاشكراژی كر: ئێك ژ ئەگەرێن دی ئەوە هەر وەلاتەك رەوشا رامیاری نەسەقامگیربوو رەوشا ئابووریا وی وەلاتی دێ نەیا جێگیر بیت، ب ڤی شێوازی بازرگان ل دووڤ خاستا خۆ دولاری دێ گران كەن، هەر ئەو ب خۆ ژی دۆلاری ل بازاراندا دكرن، دا كو دۆلار كێم ببیت و بهایێ وێ بلندتر لێ بهێت.
محەمەد كاوە كارێ وێ كرین و فرۆتنا هەمی جۆرە پارەیان دكەتن بۆ رۆژناما ئەڤرۆ گۆت: بهایێ دۆلاری نۆكە ب 146.800 ئەڤ بهایە دهێتە خار و بلند دبیت نەیا دیارە و دیسا ژی نەجێگیریا بهایێ دولاری بەرامبەر دیناری كارتێكرنەكا زۆر ئێخستیە سەر ژیانا تاكێن جڤاكی، هەر ئەو چەندە ژی باوەریا وان كێمكرینە و بوویە ئەگەرا وێ یەكێ رێكێ ل كرینا دولاری بگرن.
