بۆچی بەرھەمێ دارێن زیتونان ھەر سال وەکو ئێک نینە؟
ئەڤرۆ، ئەمیر:
ئەندازیارەکێ چاندنێ دیار کر، ل دەمێ دانانا باغێن زەیتونان پێدڤیە پلا گەرمێ و سارمایێ دەڤەرێ بھێتە زانین و سالانە دڤێت شتلێن دارا زیتون بھێتە زبلکرن و زبلێ کەڤن بیت، ھەر دیسا دڤێت ب کێماسی دوو جارا باغێن زیتون بھێتە کێلان و ئەردێ وی ئێک ل دەسپێکا پایزێ بۆ شکاندنا ئاخێ دا ئاڤا باران بچیت ناڤ دا و یا دووێ دەسپێکا بھارێ دا گیا و دەغەل شین نەبیت.
ئەندازیارێ چاندنێ فرھاد محمد تاھر ێالح، پەیڤدارێ رێڤەبەریا گشتیا چاندنێ ل پارێزگەھا دھۆکێ بۆ ئەڤرۆ دیار کر، بۆ دانان باغێن زیتونان ب شێوەکێ زانستی و دروست، بەری دەستنیشانکرنا جھێ دانان باغێ زیتونان دڤێت پلا گەرمێ و سەرمایا وی دەڤەرێ بھێتە زانین، چنکو دارا زیتونان دناڤبەرا (-٧ ھەتا ٥٠) پلە دشێت بەرگریێ بکەت و گۆت: دارا زیتونێ پێتڤی ب کێم ئاڤدانێ ھەیە، لەورا دڤێت ب شێوەکێ رێک و پێک چاڤدێریا کارێ ئاڤدانێ بکەن، چنکو بو کەش و ھەوایێ کوردستان زیتون ل مەھا (٦،٧،٨،٩) پێدڤێ ئاڤدانێ دبیت پتر ژ ھەیڤێن دی.
ئەو یەک ژی دیار کر کو دارا زیتونێ بەرگریەکا باش بۆ نەخوشیا ھەیە، بەلێ دڤێت شتلێن زەیتونێ د باوەرپێکری بن، ھەروەسا دارا زیتونێ دھێتە نیاسین ب وان دارێن سالەکێ بەرھەم باش و سالەکێ بەرھەم کێم، لەورا دڤێت گرنگێ بدەینە کارێ کەزاخێ و دانا توخمێن خارنێ و بەرھەڤکرنا ئاخێ دڤێت ئاخ باش بھێتە کێلان و باشێ بھێتە نەخشە دانان دناڤبەرا (٥*٥)م یان (٥*٦)م دناڤبەرا شتل و خەتا دا و پشتی جھێن شتلێ تێتە دیار کرن دڤێت کورک بھێنە چێکرن ب(٥٠*٥٠*٥٠) سم بۆ چاندنا شتل و ھندەک پەینێ ئورگانیک بکەینێ جھێ شتل و پشتی چاندنێ راست بھێتە ئاڤدان.
ئەندازیارێ چاندنێ فرھاد محمد تاھر ێالح، پەیڤدارێ رێڤەبەریا گشتیا چاندنێ ءەو یەک ژی دیار کر، سالانە دڤێت شتلێن دارا زیتونان بھێتە زبلکرن و زبلێ کەڤن بیت ھەر دیسا دڤێت ب کێماسی دوو جارا باغێن زیتونان بھێتە کێلان و ئەردێ وی ئێک ل دەسپێکا پایزێ بۆ شکاندنا ئاخێ دا ئاڤا باران بچیت ناڤ دا و یا دووێ دەسپێکا بھارێ دا گیا و دەغەل شین نەبیت.
