بۆچی حزب و رێكخستنێن كوردستانێ هه‌می گرنگیێ ناده‌نه پررۆژێ نه‌ته‌وی
بۆچی پرانیا رێكخستن و پارتێن كوردستانێ داكوكیێ ب زه‌لالی ل سه‌ر پروژێ نه‌ته‌وه‌یی ناكه‌ن ئانكو (سه‌رخۆبوونا كوردستانێ ). هه‌می كێشێن هه‌رێمێ وكوردستانێ ل ده‌ف وان ژ ڤی پروژه‌ی گرنگترن.. . . دڤان كاودانێن نازك دا پشتا خوه دایه ڤی پرۆژه‌ی ما ئه‌ڤه (100) سه‌د سال نینه كورد ل هه‌ر چار پارچێن كوردستانێ تێكۆشینا مرنێ دكه‌ن بۆ سه‌رخۆبوونا كوردستان ما گه‌لێ كورد قۆربانیێن مه‌زن نه‌داینه ما هه‌وه ڤان حزبان ب (10) ده‌هان سالا ملله‌تێ كورد نه‌خاپاندیه كو ئارمانجا مه كوردستانه، و هزاره‌ها گه‌نج هه‌وه نه‌كرینه قوربانیێن ڤێ ئارمانجێ ما خه‌لكێ كوردستانێ نه ژبۆ ڤێ ئارمانجا پیرۆز ل پشت هه‌وه راوه‌ستیایه.. . . جار دبێژن كاودان نه د به‌رژه‌وه‌ندیا مه دانه، جار ژی دبێژن دێ مه‌ترسیێن مه‌زن ئێنه سه‌ر كوردستانێ، جار ژی دڤێن بتنێ خوه بكه‌نه شریكێ ده‌ستهه‌لاتا ڤان حكوومه‌تا، كێشا نه‌ته‌وی دكه‌نه كێشا حوكمرانیێ ، جۆگرافیا كوردستانێ ده‌ست لێ به‌ردانه ، وه‌كو بیركرنا ڤان ده‌وله‌تێن داگیركه‌ر هزر دكه‌ن، جار ژی پێش ڤان ده‌وله‌تا پرۆژێ حوكرانیێ ئانكو پرۆژێ كێم نه‌ته‌ویێ كو دژی ده‌وله‌تا سه‌ربه‌خۆیه وه‌كو فیدرالیا پارێزگه‌هان و كانتۆناتان و خوه‌سه‌ریا دیمۆكراتیك و هه‌رێما سه‌ربه‌خۆ یا كه‌ركووكێ دكه‌نه ئامانچ.. . . ما ئه‌ڤه نه پروژێ ده‌وله‌تێن داگیركه‌ره ب زانیبوون یان بێ زانیبوون ئه‌ڤ حزبه سیاسه‌تا ده‌وله‌تێن داگیركه‌ر جێبه‌جێ دكه‌ن. كورد د هشیارن گه‌له‌كێ فیداكاره رێكێ ناده‌ت چ سیاسه‌ت ڤێ فرسه‌تا زێرین ژ ده‌ست بده‌ن. ژده‌رڤه‌ی پرۆژێ نه‌ته‌وه‌یی و (سه‌رخۆبوونا كوردستانێ) چ قه‌یرانێن هه‌رێمێ چاره‌سه‌ر نابن، ب ده‌وله‌تبوونێ قه‌یرانێن گه‌لێن بن ده‌ست چاره‌سه‌ر دبن. ده‌وله‌تا نه‌ته‌وی و مۆدرێن ل جیهانێ بتنێ ب سیاسیه‌تا نه‌ته‌وی ئاڤا بووینه، ئه‌وژی گه‌لێ كورد دڤیا جۆگرافیا خوه رزگاربكه‌ت و خوه بكه‌ته ده‌ستهه‌لات ل سه‌ر ڤێ جۆگرافیێ.. . ڤیا ده‌ستهه‌لاتا خه‌لكێ بیت و ده‌ستهه‌لاتا خه‌لكێ ژی ده‌ستهه‌لاتا دیمۆكراتیكه.. . ڤیا ئه‌ڤ حزبه ده‌ست ژ پرۆژێ داگیركه‌ران به‌رده‌ن وبه‌س خوه بكه‌نه پر بۆ پرۆژێ سیاسه‌تا داگیركه‌را.. . گه‌لێ كورد ئێدی ناهێته خاپاندن ئه‌و رۆژ چوون كورد د سیاسه‌تا نه‌ته‌وی دا زه‌لال بووینه و دحازرن فیداكاریه‌كا مه‌زن بده‌ن بۆ ڤێ ئارمانجا پیرۆز. . . بژیت ده‌وله‌تا سه‌ربه‌خۆیا كوردستانێ
• به‌رپرسێ لقێ ئێكێ پارتی دیمۆكراتی كوردستان.