بۆچی دەمێ ھندەک ددانێن خوە دشوون خوین ژ پێدیان دھێت؟
ئه‌ڤرۆ نيوز:
ھندەک ھزرێن شاش ل گەلەک دەزگەھان وەکو ئەنترنێتێ بەلاڤە دبن و ئەڤ ھزرە خەلکی حەیری دھێلن و دبنە ئەگەر خەلک باوەر ژێ بکەت و ب کاربینیت و ب کارئینانا وان زیانێ ل ساخلەمیا وان دکەن، لەورا ھندەک ژ بسپورێن ساخلەمیێ روونشتن و ڤیان راستیان ل دور ڤان ھزران بەلاڤەبکەن و ھندەک رەئیێن زانستی یێن دروست بدەنە خەلکی و ژ گرنگترین ڤان ھزران ژی:
ھزرا شاش ئەوە دەمێ دبێژن تشتەکێ سروشتی یە د ھندەک دەلیڤەیان دا دەمێ مرۆڤ ددانێن خۆ ب فرچەی دشووت یان ب دەزی پاقژ دکەت کو خوین ژ پێدیێن ددانان بھێت.
بەلێ د راستی دا خوین بەربوونا پێدیان ب رەنگەکێ بەردەوام، یان ل دەمێ پیچەک فشار لێ دھێتە کرن، رەنگە نیشانەکا دەسپێکێ بیت بۆ ھەودانا شانەیێن دەوروبەرێن ددانی، ئەوژی ھەودانەکە تووشی پێدیان دبیت، ئەگەرێ وێ کومڤەبوونا بلاکی یە، نوشدارا ددانان یا ئەمریکی (جولی باران) دبێژیت: دەمێ بەردەوام خوین ژ پێدیێن تە بھێت پێدڤیە شیرەتان ژ نوشداری وەربگری، و یا ب سانەھی یە د قوناغێن ئێکەم دا ئەڤ چەندە بھێتە چارەسەرکرن، ئەوژی برێکا راکرنا بلاکی، بەلێ ئەگەر تە چارەسەرنەکر دێ بیتە ئەگەرێ ژناڤبرنا پێدیێ و خواربوونا ددانان، دگەل ڤێ چەندێ گەلەک ژ ڤەکولینان دیاردکەن کو ھەڤبەندی دناڤبەرا نەخوشیێن پێدیان و ھندەک نەخوشیێن ب مەترسی ھەیە وەکو نەخوشیا شەکرێ و ئێشێن دلی و بۆ ژنان ژی رەنگە پێشوەخت زاروک ببن.
