بۆچی زەلام ھندەک جاران جۆتبوونێ پشتگوە دھاڤێژیت؟

ئه‌ڤرۆ نيوز:

بۆچی ھەڤژینێ تە ھندەک جاران جۆتبوونێ پشتگوە دھاڤێژیت، ئەگەری د ڤان خالان دا بزانە:
1- ھەستکرن ب وەستاینێ: وەستیانێ رۆلەکێ مەزن ھەیە کو زەلام پشتا خوە بدەتە جۆتبوونێ، ژبەرکو ھەستا ب وەستیانێ شیانێن سیکسی خاڤ دکەت و وەدکەت حەز نەکەت د گەل تە جۆت ببیت.
2- ئەگەرێن ساخلەمی: دبیت پشتگوە ھاڤێتنا جۆتبوونێ زەلام یێ نەخۆش بیت و ئەو نەخۆشی کارتێکرنێ ل حەزا وی یا سیکسی بکەت، یان ژی دبیت ئەو دەرمانێن ئەو بکاردئینیت بۆ چارەکرنا نەخۆشیا خوە، کارتێکرنێ ل شیانێن وی بکەن.
3- ب ناڤسال ڤە چوون: حەزا سیکسی د گەل بۆرینا عەمری کارتێکرن لێ دبیت، ژبەرکو ئاستێ تستسترۆنی کێم دبیت و ئەو یەک یا سروشتیە و دبیتە ئەگەر ژ جۆتبوونێ دوور بکەڤیت.
4- فشارا دەروونی: دبیت ھەستکرن ب نەئارامیێ و فشارا دەروونی ببنە ئەگەر رێ ل بەر حەزا سیکسی و جۆتبوونێ بگرن، ژبەر وێ یەکێ دبیت ھەڤژینێ تە ژ جۆتبوونێ دوور بکەڤیت.
5- راھێنانێن وەرزشی زێدەی یا پێدڤی: راھێنانێن وەرزشی یێن زێدەی یا پێدڤی کارتێکرنێ ل چالاکبوونا زەلامی دکەن، بەرکو ھەموو حەز و شیانێن وی د راھێنانێن وەرزشی دا دھێنە مەزاختن و شیانێن سیکسی و جۆتبوونێ نامینن.
6- قەلەوی: زەلام ژی وەکو ژنێ، ھۆکار و گوھۆرینێن بیۆلۆژی کارتێکرنێ لێ دکەن، ژ وان گوھۆرینان ژی قەلەوی و زێدەبوونا سەنگێ، کو ھەمی ژی دبنە ئەگەر وی باوەری ب شیانێن جەستەیی نەمینن و ب گۆمان دکەڤیت بشێت حەزێن خوە و ھەڤژینا خوە تێر بکەت.
7- بێزاری: تشتەکێ سروشتیە زەلام ھەست ب بێزاریێ بکەت و بتایبەت ھەکە ەند سال ب سەر ھەڤژینیا ھەوە دەرباز ببن، لەورا پێدڤیە ژن رۆتینێ بشکێنیت و خوە فێری ھندەک لڤینێن نوو بکەت د پرۆسەیا جۆتبوونێ و سیکسی دا.
8- نە پویتەدانا ژنێ ب سەروسیمایێ خوە: زەلام حەز ژ وێ ژنێ دکەت یا پویتەی بدەتە خوە و سەروسیمایێ خوە، ھەروەسا جوانیا خوە بپارێزیت دا سەرنجا زەلامی راکێشیت، ئەڤجا دەمێ تو خوە پشتگوە دھاڤێژی و پویتەی ب خوە نەدەی، دێ بینی ئەو ژی گەلەک پویتەی ب تە ناکەت و ھەست دکەت تو نەشێی حەزێن وی تێر بکەی.

کۆمێنتا تە