بۆچی فه‌ره‌نسا هۆشداریێ دده‌ته ئیرانێ؟
بێوارحسێن زێباری
وه‌لاتێن زلهیز بۆ به‌رژه‌وه‌ندیێن خوه یێین سیاسی و ئابۆری و سه‌ربازی كاردكه‌ن، بۆ هندێ دا هه‌رده‌م لسه‌ر وان ده‌ڤه‌رێن كه‌فتینه بن ده‌ستێ وان زال بن و ژ نه‌هێنه ستاندن.
ئه‌ڤه د ده‌مه‌كێدایه، ئیران به‌رده‌وام ب هه‌ڤكاریا گرۆپێن جودا جودا یێن ده‌ستكرد هاتینه دروستكرن بۆ هندێ هه‌رده‌ما وان ڤیا هێرشه‌كێ ببه‌نه سه‌ر ده‌ڤه‌ره‌كێ بێ كو بزانن چ زه‌ر و زیان گه‌هنه وان یان ژی چ به‌رژه‌وه‌ندییێن وان هه‌بن.
ئه‌ڤه ژی بوویه ئه‌گه‌رێ نه‌رازیبوونا وه‌لات و نه‌ته‌وا ئێكگرتی و وه‌لاتێن دیتر ژی و ئه‌و ژی به‌رده‌وامن لسه‌ر هێرش و گه‌فێن خوه لسه‌ر ده‌ڤه‌رێن جودا.
دهێته زانین ئه‌مریكا و ئیسرائیل و وه‌لاتێن دیتر به‌رده‌وام لسه‌ر راوه‌ستاندنا گه‌فێن ئیرانێ بۆ سه‌ر رۆژهه‌لاتا ناڤین كو وان گرۆپانه رابگرن و زێده‌تر نه‌بنه گه‌ف و جهێ مه‌ترسیا خه‌لكی و ئه‌ڤه د ده‌مه‌كێدایه به‌رده‌وام ئه‌و یا رژده لسه‌ر دروستكرنا گرۆپان.
لێ ئه‌ڤجاره یا جودایه، كو فه‌ره‌نسا ژی په‌یامه‌ك هنارتیه بۆ ئیرانێ و ئاماژه دایه هندێ كو وان هێرشانه راوه‌ستینیت. وه‌زاره‌تا به‌رگرییا فره‌نسا كو ئیران به‌رده‌وام ئاریشه‌یان ل رۆژهه‌لاتا ناڤین دروست دكه‌ت، ب سالانه ئیران ناهێلیت ره‌وشا رۆژهه‌لاتا ناڤین یا ئارام بیت، ژ به‌ر ڤێ ئێكێ ژی ئالۆزیێن ل هه‌رێمێ به‌رده‌وامن، ڤێ دووماهیێ ژی ئیرانێ هه‌موو قانوونێن نێڤده‌وله‌تی بنپێكرن و ئێرشی ئاخا ئسرائیلێ كر، ئه‌و ئێك ژی مه‌ترسیه‌كا گه‌له‌ك مه‌زنه و بوونه گه‌ف ل سه‌ر جیهانێ هه‌موویێ، د ره‌وشا نها دا ئیران بوویه مه‌ترسی بۆ وه‌لاتێن ئه‌ورۆپا ژی، لێ وه‌كو فره‌نسا وان نه‌ڤێت شه‌رێ ئیرانێ بكه‌ن و ده‌وله‌تێن دى، فه‌ره‌نسا وه سا گوتیه ژی، ژبلی دروستكرنا ڤان جۆره گرۆپانه كو ئه‌و به‌رده‌وام یا چه‌كی ژی پێشكێشی وانا دكه‌ت و ئه‌ڤ چه‌نده ناهێته قه‌بوولكرن و نابیت یا به‌رده‌وام بیت.
ئه‌ڤه هه‌ڤكێشه ژی دبیته ئه‌گه‌رێ هندێ كو په‌یوه‌ندیێن هه‌ڤپشك یێن ڤان وه‌لاتانه تێكبچن یان بۆ وانا ببنه ئه‌گه‌رێ ئالۆزیان كو وه‌ك ئه‌مریكا و رۆسیا دا، تایبه‌ت چونكی رۆسیا دگه‌ل ئیرانێ دا هه‌ڤپه‌یمانه و هه‌ڤكاره هه‌روه‌سا وه‌لاتێن هه‌ڤسوى ژی دبنه ئه‌گه‌رێ ئالۆزیێ به‌رهندێ فه‌ره‌نسا ژی وه‌ك وه‌لاته‌ك مه‌زن ئاماژه‌دایه هێرشێن وێ و دڤیا بهێنه راگرتن و نه‌مینن ئه‌ڤ گرۆپه و هێرشه، لێ ئیران وه‌سا هزر دكه‌ت، كو ئه‌و شیان هه‌نه پتریا ده‌وله‌تێن رۆژهه‌لاتا ناڤی بێخیته بن ده‌ستێ خوه دا ل گۆره‌ی به‌رژه‌وه‌ندیێن خوه سه‌ره‌ده‌ریێ دگه‌ل هه‌ست و سۆزێن وان بكه‌ت، ئه‌ڤه ژی جهێ قه‌بوولكرنێ نینه، چونكو ئه‌ڤ هه‌رێمه و ده‌وله‌ته ژی دبینن هه‌رده‌ما زیان و نه‌خۆشی بگه‌هنه وان یان ملله‌تێ وان ئه‌وا ل وی ده‌میدا راسته‌خوه ئه‌مریكا و ئه‌ورۆپا پشته‌ڤان و هاریكار نه‌بیت ئه‌وا په‌یوه‌ندیێن وان ژی تێكچن و دێ كه‌ڤنه ژێر ده‌ستێ ئیرانێ و گرۆپێن ب سه‌ر وانڤه، ژبه‌رهندێ ئه‌و ب خوه ناهێلێن ئه‌و مایێ خوه تێ بكه‌ن و هێرش و گه‌فین وان به‌رده‌وام بن.
ب هه‌ر حال دڤێت ئارامیه‌ك و سه‌قامگیریه‌ك ل ده‌ڤه‌رێ هه‌بیت ل هه‌موو ده‌وله‌تان ژی، چونكی بۆ ئێك ژ وان هه‌بیت كه‌واته ئه‌و مه‌ترسی بۆ ده‌وله‌ته‌كا دی هێته ڤه‌گوهاستن به‌رهندێ گرنگه ئه‌ڤ نه‌ئارامییه نه‌مینیت و دگه‌ل هه‌بوونا وان گرۆپێن ب سه‌ر ئیرانێ ژی ڤه. نه فه‌ره‌نسا، به‌لكو پتریا ده‌وله‌تێن ئه‌ورۆپی نه د گه‌ل ئیران و وان هێرش و گرۆپانه دایه كو یا به‌رده‌وام لسه‌ر هه‌تا ئه‌ڤرۆ ل ده‌ڤه‌ر و هه‌رێمن جودا جودا دا.
