بۆچی قەبزبوون ل رەمەزانێ زێدە دبیت؟
ئه‌ڤرۆ نيوز:
دەستپێکا رۆژیگرتنێ ماوەیەکێ بێھنڤەدانێ یە بۆ کۆئەندامێ ھەرسێ، بەلێ قەبزبوون ئاریشەکا بەربەلاڤە، دشیاندایە ژی د ماوێ رۆژیگرتنێ دا قەبزبوون دژوارتر لێ بھێت، ب تایبەت ل دەڤ وان رۆژیگرێن رۆژیا خوە ب شێوازەکێ ساخلەم دەرباز نەکەن، دیسا ڤەدگەریتەڤە بۆ وان گۆھورینێن سەر ب شێوازێ خوارنێ و دوورکەتنا دەمی دناڤبەرا دانێن خوارنێ دا دھێن و ل گەل ڤێ چەندێ ژی کێمیا شلەمەنیان د لەشیدا.
یا گرنگە رۆژیگر ل دووڤ سیستەمەکێ خوارنێ برێڤەبچن دھەیڤا رەمەزانێ دا و بزاڤا رووڤیکێن خوە سرۆشتی بھێلن، ھەتا ھەکە دەستنڤێژا وان نەھێت ژی، پێدڤیە وان حەزا چوونا دەستئاڤێ ھەبیت ھەتا ھەکە نەھێت ژی، باشترە فتارە کرن و پاشیف د پێکھاتی بن ژ خوارنێن پری رووشال و ھندی دشیان دابیت شلەمەنیان ڤەخوون پشتی فتارەکرنێ، ھەروەسا ئەو دشێن حەبێن ( ملین) ب کاربینن بەری پاشیڤێ یان پشتی فتارەکرنێ کو ئەو حەب کاردکەن بۆ چالاککرنا رووڤیکا و پاراستنا رێژا ئاڤێ دناڤ دەستئاڤێ دا، دیسا دشێن قەسپا و فیقیێن ھشککری ب کاربینن بۆ کێمکرنا ڤێ ئاریشێ.
