بۆچی كۆرۆنا ل ده‌ف هنده‌ك كه‌سان بو ده‌مه‌كێ درێژ دمینیت؟
ئه‌ڤرۆ، به‌رپه‌رێ ساخله‌میێ:
زانایێن ئێرله‌ندی ئه‌گه‌رێ وێ چه‌ندێ دیتیه كو هنده‌ك كه‌س بۆ ده‌مه‌كێ درێژ تووشبوویێن كۆرۆنایێ نه و پشتراست دكه‌ن، ئه‌ڤه هۆكاره‌كێ گرنگه بۆ دیتنا چاره‌سه‌ریه‌كا كاریگه‌ر.
رۆژنامه‌یا ده‌یلی مه‌یلی یا بریتانی به‌لاڤكریه، زانایانێن ئێرله‌ندی به‌حس ل وێ چه‌ندێ دكه‌ن هۆكارێ كو هنده‌ك كه‌س بۆ ماوه‌یه‌كێ درێژ توشبوویێن كۆرۆنایێ نه و نیشان دمینن، مه‌هینا خوینێ یه.
روهنژی كریه، سه‌ره‌ڕای كو ملیۆنان توشبوون ژ مرنێ رزگار بووینه، به‌لێ بۆ چه‌ندین هه‌یڤان نیشان ل ده‌ڤ دمینن، ژلایێ خوه ڤه پرۆفیسۆر “جه‌یمس ئۆدونێل” وه‌ك پشكداره‌كێ ڤه‌كۆڵینێ ئاماژه دا، تێگه‌هشتن ل نه‌خۆشیێ هۆكاره‌كێ گرنگه بۆ پێدانا چاره‌سه‌ریه‌كا كاریگه‌ر.
ل دووڤ ڤه‌كولینێ، پشتی چاڤدێریكرنا 50 نه‌خۆشان بۆ ده‌مێ 10 حه‌فتیان هاتیه كرن و خوین ژێ هاتیه وه‌رگرتن، ده‌ركه‌فتیه رێژه‌یا مه‌هینا خوینێ ل وان توشبووان یا بلنده، هه‌تا ل ده‌ستپێكا توشبوونا وان و ڤه‌گۆهاستنا وان بۆ نه‌خۆشخانێ رێژه یا بلند بوویه.
ژلایێ خوه‌ڤه “هێلین فۆگارتی” ڤه‌كوله‌را سه‌ره‌كی به‌حسێ وێ چه‌ندێ كریه، دبیت سیسته‌مێ مه‌هینا خوینێ هۆكارێ بنه‌ره‌تی یێ توشبوونێ بیت ب كۆرۆنایا دومدرێژ.
