بۆچی كەیلان پێشانگەهێن تایبەت ڤەناكەت؟
هەرهین محەمەد:
شێوەكار (كەیلان سەدیق) د دیدارەكێ دا بۆ رۆژناما ئەڤرۆ گۆت: كارێن من د هەمە جۆرن و گرنگیێ ب هەموو لایەنان ددەم و وەكو سروشتێ جوانێ كوردستانێ و ژیانا ژنا كورد دكەن، ئانكو دچێكرنا كەڤالان دا من شێوازێ خوە یێ تایبەت یێ تەعبیری یێ هەی و ل سەر كاردكەم و هەموو رەنگان ژی جوانیا خوە یا تایبەت هەیە و پتریا هونەرمەندێن شێوەكار د ئازادن دچێكرنا كەڤالان دا و پێدڤیە ئەوێ پەیاما پێ رادبن دەرببڕن دكارێ خۆدا و هەتا نوكە ژی من پێشانگەهێن شێوەكاری یێن تایبەت نە ڤەكرینە و هەموو د هەڤپشكن و پتر مژوولی كارێن تایبەتم.
ناڤهاتیێ گۆت: زۆربوونا هونەرمەندان دكاری دا دێ هەر هندەك شاشی هەبن و ژ بۆ خۆ رزگاركرن ژ ئەڤان شاشی یان دناڤ هونەری دا پێدڤی یە پێداچوون و گورانكاری و نووكرنێ هەیە و هونەرمەند بتنێ كارێ خوە یێ هونەری بكەت و بتنێ رێیەك هەبیت و یێ بەردەوام بیت و ب ئەڤی رەنگی دێ رزگار بیت ژ ئاریشەیان و گرنگیا هونەرمەندێن شێوەكار ڤەدگەریت بۆ كومەلگەهێ كو یا هاریكار نینە و دژینگەهەكا ئازاد دا كاربكەت وئەڤە دبیتە ئەگەر كو بهایێ شێوەكاری كێم بیت و پەنایێ ببەتە بەر كارێن بازرگانی.
