بۆچی ل رەمەزانێ ئێشانا گەوریێ زێدەدبیت؟
د.لقمان عبابكر دۆسكی، تایبەتمەندێ نەخۆشیێن گوهـ و دفن و گەوریێ دیاركر، ئێشانا گەوریێ د رەمەزانێ دا زێدەدبیت ژئەگەرێ خوارنێن تەزی و تێژ و تڕش، هەروەسا ڤەگەریانا تڕشیێ مەعیدێ، هەكە رۆژیگری خوارنەكا گران خوار ل دەمێ پاشیڤێ و ب تایبەت هەكە ئەو خوارن یا تیژ یان تڕش یان گەلەك روین دناڤدابیت، و گۆت: باشترە خوە ژوان خوارنان دووربكەی و گەلەك ئاڤێ ڤەخۆی داكو ئەڤ چەندە ل دەف تە نەمینیت.
د.لقمان عبابكر دۆسكی، دیاركر كو رەنگە هەستداریا دفنێ ب تایبەت ل دەڤ ژنان زێدەببیت، چونكو ئەو گەلەك تێكهەلیا خوارنێ و ئامادەكرنا وێ دكەن و دیسا تووشبوون ب دووكێلێ و بێهنا و بهاراتان و پێدڤیە ئەو ژنێن هەستداری بۆ پەیدادبیت خوە ژوان خوارنان و رەفتاران ب پارێزیت.
دیاركر ژی هەكە رۆژیگر تووشی پەرسیڤێ بوو، پێدڤیە زوو چارەسەریا خوە بكەت و خوە ژ جهێن ب قەرەبالغ دووربكەت، داكو نەخۆشیێ نەڤەگوهێزیت و گۆتژی: هندەك كەس ژی رەنگە تووشی گێژبوونێ ببن و هەڤسەنگیا وان تێك بچیت، ژ ئەگەرێ كێمیا ئاڤێ، لەورا یا گرنگە دناڤبەرا فتارێ و پاشیڤێ دا، رێژەكا باش یا ئاڤێ ڤەخۆت.
