بۆچی مێسی، نیمار و مباپی چامپیۆنز ژ دەستدا؟
ئەڤرۆ
بابەتێ گەرمە نووچەیێ چامپیۆنزی لیگێ دا بۆچی پاریس سانجێرمان نەشیایە ناسناڤێ خوە یێ ئێكێ بینت سەرباری ئینانا باشترین یاریزانێن جیهانێ ژوانا لیۆنێل مێسی، نیمار و كێلیان مباپی و سالانە پارەكێ زەبلەح ل سەر تیمێ دمەزێخن ل دووماهیێ دەست ڤالا ژ قارەمانیێ ڤە دگەڕێن.
رۆژنامەیا لیكیب یا فرەنسی دیاركر ئەڤە بوو ماوەیێ زێدەتری 10 سالانە یانەیا پاریس ب كۆژمەیێن مەزن ل سەر تیمێ د مەزێخیت پێخەمەت دەستڤەئینانا ناسناڤی ب ئینانا باشترین یاریزان و راهێنەرێن جیهانێ، د وەرزێ ئەڤ سالە دا هاتبوو گۆتن سانجێرمان ب سەركێشیا سێ گۆشا هێرشبەریێ لیۆنێل مێسی، نیمار داسێلڤا و كلێلیان مباپی دێ گەهنە ئارمانجا خوە، بایرن میۆنخ هیڤیێن وێ راوەستاندن، لێ دیاربوو نەبتنێ پارە دشێت بیتە هاریكار بۆ ناسناڤی بەلكو سیستەمەكێ دروست و پلانێن هێزێ هەبن ژبۆ چاوانیا مفا وەرگرتنا شیانێن یاریزانان هەتا بگەهنە ناسناڤی.
رۆژنامێ دیاركر دەركەفتنا سانجێرمان ژ چامپیۆنزێ دێ گەلەك روودانێن نەچاڤەڕێكری پەیداكەت و شۆرەشا گوهۆڕینێن مەزن هەبن دبیت ستێرێن نوكە ب راهێنەرێ خوەڤە قۆربانێن ئێكێ بن.
