بۆچی نومرە 88 ل خولا ئیتالیا هاتە قەدەغەكرن؟
فێدراسیۆنا تەپا پێی یا ئیتالیا ب فەرمی نومرە 88 ل سەر درێسێ هەر یاریزانەكی بۆ وەرزێ بهێت قەدەغەكر و دێ بڕیارێن توند دژی هەر یاریزانەك و یانەكێ هێنە دەركرن هەكە ئەو هژمارە هاتە د ناڤ یاریگەهێ دا.
ئازانسا ئاسۆشێتد پرێس یا ئیتالی دیار كر ب مەرەما بەرهنگاربوون دژی نەژات پەرستیێ و رامانا هژمارەیا 88 بۆ سلاڤا نازییا دهێتە بكارئینان یا بناڤ و دەنگ «Heil Hitler» كۆمەلا بزاڤا نازیێن نڤشێ نوو ئەڤ بڕیارە هاتە دان ئێدی چو رەنگان نا هێتە د ناڤ یاریگەهان دا، دیسان بڕیاردا هەر دەمێ سرۆد یان پەیڤێن نەژات پەرستیێ هاتنە گۆتن دێ یاری هێتە راوەستاندن و ئەو كەس دێ ب توندی هێنە سزادان، وەزیرێ نافخۆیا ئیتالیا ماتیۆ بنتیدۆس ئەڤ پێنگاڤە بۆ وەرزێ بهێت ب رژدی كار ل سەر كرینە و گۆت: هیچ رەنگەكی نا هێتە قەبوولكرن كەسانێن نەژات پەرستی یان لۆگۆ و گۆتنێن وان بهێنە دناڤ وەرزشا ئیتالیا دا، ل وەرزێ بۆری ئاسانكاری هەبوون لێ بۆ یا بهێت توندتیرین سزا دێ هەبن.
ستیڤێن فابیان مامۆستایێ ئەنسرۆبۆلۆچیا ل زانكۆیا فاندربێلت سوفی ل ئەمریكا بۆ بەرنامێ Inside Edition گۆت: هژمارەیا هەشت بۆ پەیڤا ئێچ ب كار دئینت ئەوا ل رێزبەندیا هەشتێ د ناڤ پەیڤێن ئنگلێزی دا دهێت لەوما ئەوان نومرە هەشت دو جاران ب كارئینایە 88 كو بیتە( HH) سلاڤا نازیا و ئۆدلێڤ هێتلەری كو بشێوەیێ «Heil Hitler» د دەمێ دەستەلاتا خوە دا ب كار دئینا و ئەڤ شێوازە بوویە دروشمێ كۆمەلا بزاڤا نڤشێ نوو یێ نازیان ل جیهانێ.
