بۆچی هندەك د خەوێ‌‌ دا دەڤێ‌‌ خوە دهێلنە ڤەكری؟

هەكە تو ژ خەو رابووی و تە هەست كر دەڤێ‌‌ تە یێ‌‌ هشكە، ئەڤە نیشانا وێ‌‌ چەندێ‌‌ یە كو تو دەڤێ‌‌ خوە دهێلیە ڤەكری، كو هندەك نیشانێن نەباش ل دووڤ ڤێ‌‌ چەندێ‌‌ هەنە، یا ژ هەمیا بەلاڤتر ژی گرتنا دفنێ‌‌ یە و هەناسا دروست ژی ب رێیا دفنێ‌‌ یە و هەكە یا گرتی بیت مرۆڤ نەچاردبیت دەڤێ‌‌ خوە بهێلیتە ڤەكری و هەوایێ‌‌ سار ژیێ‌ دەربێخیت و تێر نەنڤیت.
ئەگەرێن ڤەكرنا دەڤی ل دەمێ‌ نڤستنێ‌‌: زانینا ئەگەرێ‌ ڤەكرنا دەڤی ل دەمێ‌ نڤستنێ‌‌ دڵا‌ هاریكاریەكا مەزن بۆ تە كەت كو چارەسەریا پێدڤی ببینی، ل هندەك دەما ژ ئەنجامێ‌‌ مەزنبوونا باهیڤووكێن گەوریێ‌ یە و پێدڤیە بهێنە راكرن، و هندەك جارا ژی مرۆڤ پێدڤی ب راستڤەكرنا ددانان دبیت داكو كونترولا ڤەكرنا دەڤی بكەت، تشتیێ‌ گەلەك بەلاڤ دڤەكرنا دەڤی دا ڤەدگەرن بۆ هەستداریێ‌‌، مەزنبوونا دفنێ‌‌ یا دومدرێژ و نەخۆشیێن كوئەندامێ‌‌ هەناسێ‌‌ و تووشبوون ب هەر نەخوشیەكێ‌‌ دبیتە ئەگەرێ‌‌ گرتنا دفنێ‌‌ ب شەڤێ‌‌ وەكو تووشبوون ب پەرسیڤی.
هەكە دفنێن تە دسۆژن دبیت تە هەستداری ب تشتەكی دناڤ ژوورا نڤستنێ‌‌ دا هەبیت وەكو فەرشێن نڤستنێ‌‌، مەحفیر، كومبار، فرینا توزێ‌‌ ژوان دبیتە ئەگەرێ‌ هەستداریا دفنێ‌ و زێدەكرنا سوتنا دفنێ‌‌ ب شەڤیێ‌ و دئەنجامدا هەناسەدان دێ‌ ب رێیا دفنێ‌‌ بیت، تو دشێی سەرەدانەكا نوشداری بكەی و دەرمانێن دژی هەستداریێ‌ ب كاربینی.
ژ نەباشیێن دی یێن ڤەكرنا دەڤی ب شەڤێ پێكهاتینە ژ خواربوونا دفنێ‌‌، خرخرا ب شەڤێ‌‌ و راوەستانا هەناسێ‌‌ ل دەمێ‌ نڤستنێ‌‌، تووشبوون ب رەبوویێ‌‌، هاتنا بێهنا نەخوش ژ دەڤی، زێدەبوونا رێژا كرمیببونا ددانا.
بۆ چارەسەریا ڤەكرنا دەڤی ل دەمیێ‌ نڤستنێ‌‌ پێدڤیە گەلەك رێیان ب كاربینی بۆ سەرەدەریێ‌‌ ل گەل ڤیێ‌ ئاریشێ‌‌، ل هندەك دەما پێدڤی ب راستڤەكرنەكا سڤك یا رێیا نڤستنێ‌‌ هەیە كو باشترە ل شوونا نەخوش لسەر پشتێ‌‌ بنڤیت ل سەر لایەكی بنڤیت داكو هاریكاریێ‌‌ دچارەكرنا ڤێ‌‌ ئاریشێ‌ دا‌ بكەت و دهندەك دەماندا ژی دەرمان و نشتەرگەری پێدڤیە بهێنە ئەنجامدان.

کۆمێنتا تە