بۆچی وه دكه‌ن
ب مخابنیه‌كا زۆر ڤه دیارده‌كا زۆرا خراب ل باكورێ كوردستانێ په‌یدابویه كو ئه‌ڤه بوَ چه‌ندین جاره ده‌مێ خه‌لكێ مه یێ هه‌رێما كوردستانێ دچنه وه‌لاتێ توركیا چ بوَ گه‌شت وگوزار یان ژی بوَ سه‌ره‌دانا كه‌س و كارێن خوه یان بوَ چاره‌سه‌ریا نه‌خوه‌شیان سه‌ره‌دانا وی وه‌لاتی دكه‌ن و ل هیڤیا وێ چه‌ندێ كو وه‌خته‌كێ خوه‌ش ببورینن و بزڤرنه‌ڤه مال بكه‌یف و خوه‌شی، به‌لێ زۆر مخابن هه‌رده‌مێ (به‌ره‌ك و گومتله‌ك تێك هه‌لنگفتن) دێ خه‌لكێ مه یێ كورد ل باكورێ كوردستانێ رژێنه سه‌ر جادا و هه‌ر كه‌سێن كوردێن باشوور بده‌ست كه‌فتن دێ قوتن و ترومبێلێن وان شكێنن و سوَژن و دێ بێژی كو ئه‌و ریدانێن چێ دبن هه‌می كوردێن باشوورێ كوردستانێ لێ سه‌به‌بن و ب هه‌موو ره‌نگا كه‌رب و كینێن خوه ل خه‌لكێ مه دادرێژن.
سه‌ره‌رای كو ب هزاره‌ها خێزا نێن كوردێن باكور و ( pkk)ێ ل هه‌رێما كوردستانێ دژین چ وه‌كو په‌ناهنده یان ژی سه‌ره‌دان و بهه‌موو رێزڤه و بكامل ئازادیا خوه ل هه‌موو جها د گه‌رهن و كا كیرێ د ڤێت بكه‌یفا خوه دگه‌رهن و دهێن و دچن.
