بۆچی ھزر د ئەڤینا خوە یا بەرێ دا دکەى؟
ئەڤرۆ نیۆز، شەھلا رێکانی:
ئەگەر تو بۆ دەمەکێ زۆر د پەیوەندیەکا ئەڤینیێ دابی و دوڤدا تو و ئەڤیندارا (ئەڤیندارێ) خوە ژێک جودا ببن، ئەڤە سەرەرای کو رەنگە تە بخوە بریارا ژێک جودابوونێ ژی دابیت ،بەلێ سەدەم چی یە پشتی ڤێ چەندێ گەلەک ھزرێ دڤێ یەکێ دا دکەی؟
لگورەی ڤەکولینەکا زانکویا رۆتجرز یا نیۆیورکی کو تێدا چاڤدێریا مێشکێ عاشقان ب رێیا لەرزینا موگناتیسی ل دەما ژێکجودابوونێ ھاتیە کرن دەرکەفتیە کو ئەڤ یەک وەکو ھەمان شێوەیێ بکارئینانا ماددێن ھوشبەرە یان ژی تلیاکێ یە ، ب تایبەتی ژی پشتی وێ یەکێ کو مرۆڤ ئەوان ماددەیان دھێلیت و جارەک دن ھزرێ بۆ لێزڤرینا وان دکەت.
ڤەکولینێ ئاماژە ب وێ یەکێ ژی کریە کو مێشکێ مرۆڤان د ئێکەم جار دا دێ کارڤەدانێن زور توند لسەر ڤێ یەکێ ھەبن پتر ژ ھەر جارەکا دن ، چونکی د دەما ژێکجودابوونێ دا ھورموونێن دوبامین دھێنە بەردان کو ئەڤ ھورمونە بەرپرسە ژ بەختەوەریێ و ئەو ھورمانە بەری ھینگێ دگەل ئەو کەسێ یان کەسا ڤیایی یێ بکارئینایی، ھەر ژبەرڤێ یەکێ ل دەما ھاڤێتنا ئەوان ھورمونان و بەرھەڤ نەبوونا کەسێ ( کەسا ) دن مرۆڤ توشی ئاریشەیێن دەروونی و نە ئارامیەکا زور دکەت .
لگورەی ئاخفتنێن ڤەکولەران ب کێمی مێشک پێدڤی ب سێ ھەیڤان ھەیە داکو ژڤی بارودوخێ دا ب دەرکەڤیت و بچتەڤ دووخێ ئاسایێ بەری ھنگی ، بەلێ ئەگەر ژێکجودابوون دگەرا دوویی َو سێیێ دا درۆست ببیت ل وی دەمی دێ کارڤەدانێن مێشکی ئاسایتر بن و بڤێ یەکێ ئەڤ دوخە ژلایی َوی گەلەک یا نوو نابیت.
