بۆچی پێدڤیە خەلكێ كـوردستانـێ دەنـگی بدەتە پـارتـی؟
هاشم مستەفا سینی نێروەی
بێگومان هەر هەلبژارتنەك پێنگاڤەكە بەر ب چەسپاندنا سەقامگیركرنا دیموكراسیەتێ و چەسپاندنا مافێن رەوایێن دەنگدەری بێی بەرچاڤ گرتنا و جوداهیا رەگەزی و ئایینی و…هتد.
پارتی هەر ل دەستپێكا دروستبوونێ چەندین قۆناغێن جودا دەربازكرینە، ل دەسپێكێ بزاڤەك بوو بۆ بەرگریكرنا نە تەوەیەكێ دروست ببوو و هەمی ئارمانجا وێ بەرگری كرن بوو ل پێناڤا مانا نە تەوەكێ زولم لێكری، راستە قوربانیەكا زۆر دا لێ بنەمایەكێ موكوم دا نا بۆ دروستبوونا بزاڤا رزگاریخوازا كوردستانێ.
پارتی داینامۆیا سیستەمێ دیموكراسیەتێ و بدەستڤەئینانا مافێ مرۆڤی و پاراستنا ژینگەها گیانەوەرانە ل هەرێما كوردستانێ.
پارتی هەمی گاڤا بۆ خەباتا كوردایەتی و دەستەبەركرنا مافێن رەوایێن خەلكێ كوردستانێ پێشەنگ بوو، پارتی هەر ل دەستپێكا دامەزراندنێ هەتا ڤێگاڤێ بۆ بەرگریكرنێ ژ ناسنامەیا نەتەوەیی و خەبات و تێكۆشینێ ژپێناڤ خەلكێ كوردستانێ ژیانەكا خۆش و خۆشگوزەرانی هەبیت، پارتی حزبەكە پێناڤی هەمی چین و توێژان هاتیە دامەزراندن، حزبەكا سیاسی یا بەرتەنگ نینە كو ب تنێ قەوارەیەكێ یان ژی چین و توێژەكێ ل ژێر چەنزا خۆ كۆم بكەتە ڤە، بەلكو پارتە كە هەمی ئایین و ئایینزایێن نەتەوەیەك و رەگەز و چین و توێژێن كوردستانێ ل ژێر خیڤەتا خۆكۆم بكەت، خەما پارتی خەما كوردایەتی و ملەتپارێزی و دلسۆزییێ یە، بێگومان پرسا پارستنا قەوارەیێ هەرێما كوردستانێ و پاراستنا دەستكەفتێن خەلكێ كوردستانێ یا بوویە ئەركەكێ گران ل سەر ملێن پارتی، ئەگەر بۆ دروستبوونا پارتی بزڤرین هەتا ڤیگاڤێ ئارمانجا وێ فەراهەمكرن و دەستپێكرنا مافین رەوا یێن خەلكێ كوردستانێ یە، دەنگدان بۆ پارتی دەنگدانە بۆ دیموكراسیەتێ و بدەستڤەئینانا مافێن تەڤایا خەلكێ كوردستانێ ب هەمی پێكهاتێن جودا و ئایین و ئایندار و رەگەزێن جودا.
