بۆچی ژ گوتنا “من تۆ خۆش دڤێی” دترسی؟
ئەڤرۆ نیوز :
دركاندنا هه‌ستێ خۆشتڤیێ بۆ كه‌سێ به‌رامبه‌ری تە تشتەکێ هند ب زەحمەت نینه،کو ئەم هزر ژێ د‌كه‌ین، ل گه‌ل هندێ ژی گەلەک كه‌س ژێ دترسن و نەشێن به‌رده‌وام ڤێ راستیێ دووباره بكەن.
ل بیرا تەیە،کو کەنگی بۆ ئێکه‌م جار تە گوتیە هەڤژین یان خۆشتڤیا خوە من تۆ خۆش دڤێی؟ بێگومان به‌لێ،یا ل بیرا وی و دبیت د رەوشەکا ده‌روونی یا گەلەک دژوار دا تێپه‌ر ببیت هەتا ئه‌و گوتن كریە،ڤێ ترسێ وەل تە كریە،کو گەلەک ب زەحمەت ب شێی دووباره بكه‌ی، یان ل دەستپێکێ دا بێژی.
هۆكارێن ترسا مرۆڤی ژ گوتنا من تۆ خۆش دڤێی بۆ کەسێ به‌رامبه‌ر، بۆ ئه‌ڤان خالان ڤەدگەریت:
.دترسن ژیانا وان لێ ب گوهۆریت و وان نەچار بكەن،کو پشتی حەز ژێکرنێ هندەک كاران ئه‌نجام بده‌ن،ئانکو هەکە بێژیە كه‌سەکێ من تۆ خۆش دڤێی،دێ چاڤه‌رێ کەت،کو تۆ چه‌ند تشتان بۆ ئه‌نجام بده‌ی،ژ پێناڤی وێ هندەک تشتان بكه‌ی،کو پێشتر ل دەف وێ گرنگ نه‌بوون، ئه‌ڤەژی بۆ دەستپێکێ پیچەک یا قورسه.
. دترسن کو كه‌سایه‌تیا وان لاواز ببیت،هەروەسا زۆرن ئه‌وێن کو ژ شكەستن ئینانا خۆشتڤیاتیێ دترسن،لەوما وێ نهێنیێ نادركینن، بۆ هندێ کو خوە ژ وێ شكەستنێ بپارێزن و تووشی خه‌مۆكیێ نه‌بن.
. ژ رە‌تكرنا حەز ژێکرنی ژ لایێ به‌رامبه‌ر دترسن، چونكی ئێدی بێگومان دێ ژ لایێ به‌رامبه‌ری خوە هێنە گوهۆرین.
. دترسن هه‌ستێ وان بهێتە بریندار کرن، چونكی چوونه ناڤ پەیوه‌ندیا خۆشتڤیاتیێ گەلەک جاران تووشی شكاندنا دلی و برینداركرنا هه‌ستی دبیت، ژ به‌ر هندێ گەلەک ژ خه‌لكێ بۆ خۆپاراستن ژڤێ رەوشێ،ڤەشارتنا هه‌ستێ خوە ب گونجایتر دزانن.
.تشتەک نینه ل ده‌وروبه‌رێ وان كه‌سان،کو وە ل وان بكەت،کو ب ئاسانی وی هه‌ستی ده‌رببرن و ژ چو نه‌ترسن.
.نەشێن هه‌ستێ خوە ب پەیڤان ده‌رببرن،لەوما ژێ دترسن.
. نزانیت پەیڤا خۆشتڤیاتیێ ب کار بینیت،وەسا دزانیت کو ژ وی ناهێت و بۆ كه‌سایه‌تیا وی یا گونجای نینه،نزانن کو پەیڤا خۆشتڤیاتیێ مولکێ هه‌موو تاكەکێ یە و پێدڤیه بۆ به‌رامبه‌ری خوە ب كار بینی.