بۆچی کچ لێڤێن خوە رەنگا ورەنگ دکەن ؟
ئه‌ڤرۆ نيوز:
رەنکرنا لێڤان ئێک ژ ئالەتەکێ گرنکە دژیانا ئافرەتان دا و مێژوویەکا درێژ ھەیە و ژ جڤاکەکی بۆ جڤاکەکێ جوداھیا خوە ھەیە، رەنکرنا لێڤان کچ وەکو ئامرازەکێ بھێز بۆ خوە بکاردئینیت بۆ سەرنج راکێشا کەسێن بەرامبەر و نھا دجڤاکێ مەدا دانانا رەنگێن لێڤا یا بوویە سێت ل گەل جلکێن وان، لنک ھندەک کچان ئەف چەندە شاشیە ھەر کچەکێ ڤیانەکا تایبەت ھەیە بۆ رەنکرنا لێڤێن خوە.
مونا کچەکا زانکویێ دیارکر کو ئەو کچێن لێڤێن خوە ل گەل رەنگێن جلکێن خوە د ھەلبژێرن ئەو شاشیە و گۆت: نوکە دیزاین ومودیل وەلێھاتینە چ رەنگی گێم دناف جلکی دا پێدڤی وی رەنگێ سوراڤێ یە و پتر خەلک بەرێخوەدەنێ.
محەمەد سلێمان قوتابیێ زانکویا میسل خویاکر کو ھەردەم کور حەش وی کچێ دکت یا د سروشتێ خوە دا جوان بیت ونە ب رەنگ و رەنگێن سوراڤێ، ئەو کچێن گەلەک مکیاجی بکاردئینن ئەوا باوەری ب خوە نینە ژبەر ھندێ برێیا ڤان ئامێرا بزاڤێ دکەن خوە جوان نیشان بدن دا چاڤێن کوران بەرەف خوە راکێشن و چو جارا رەنگ کرنا لێڤا نەبوویە جھێ ھندێ کورەکێ ژدل دلێخوە بربیتە کچەکی کو خێزانێ ل گەل دروست بکەت.
ئەیاد نوری رۆژنامەڤانەکێ باژێرێ زاخۆ دبێژیت: دڤێت ل دەستپێکی ئەم بزانن چ تشت بوویە ئەگەر تا کچ رۆژانە لێڤێن خوە رەنگا ورەنگ بکەن یا ئێکی جیھان ھەموو یا بوویە دیزاین و مودێلێن نوو و ئەون ئەوێن ژدەرڤە تێن چ جلک و چ ئێکسسواراتین ژنا، ھندەک کچ ھەنە دڤێن خوە وەک کچێن ئەوروپا ل خوە بکەن و بنە جھێ سەرنج راکێشانا کوران و ئەو تشتێ کارتێکرن ل سەر ڤێ دیاردێ کری تورێن جڤاکی یێن فەیسبووک وئینستگرام …..ھتد، گۆتژی دەمێ کچ دبینن ھندەک بێژەر یان ھونەرمەندێن کچ یێن بەرنیاس خوە دڤان تورادا نیشان ددەن وکچێن مەژی چاڤ ل وان دکەن یا دویێ دراما تورکی ومەکسیکی کارتێکرنەکا مەزن یا ھەی دەمێ ئەم دبینن خەلکێ مە ئەو رەوشەنبیریە نینە بێژیت ئەف جورێ جلکان یان مکیاجی یان سورافێ دوورە ژ کەلتور و داب ونەریتی مە پێ داغبار دبن و ھندەک جورێ سوراڤێ یێ ھەی کارتێکرنێ ل دێمێ وان دکەن و مادێن کورتیزوم دناف دا ھەیە.
زێدەتر گۆت: جورەکێ سوراڤا تەر یا ھەی دەمێ کچ بکارتینت ئێکسەر بەری زەلامێ بۆ خوە رادکێشت تایبەت ئەو کچێن لڤینا ب لێڤیت خوە دکەن، ئەڤە ھەموو دھێتەکرن بۆ خەمل وجوانیا کچێ وچو جارا من نەدیتیە ژنەکێ بۆ زەلامی لێڤێن خوە رەنگ ورەنگ کرین ھەموو دەما بۆ ژدەرڤەی مالێ ئەف تشتە تێتە بکارئێنان.
ئەحمەد بناڤی نێزیکێ 10 سالانە کاری فرۆتنا جوانکاریا دکەت ل بازاریت زاخۆ گوت: بەھرا پتر رەنگێ سور و پیڤازی و قەھوایی داخوازی ل سەر ھەنە وھەر وەرزەکی رەنگەکێ مکیاجی داخوازی ل سەر ھەیە بۆ نموونە ل وەرزی بوھارێ رەنگێن ڤەکری ول زڤستانێ رەنگێن گرتی ول وەرزی ھاڤینێ ژبەر بکارئێنانا کریما حەتاڤی مکیاجا وەسا بکارتینن دەمێ گەرم بیت ب ناف چاڤادا نەھێتە خوار، گوتژی ھندەک کچ داخوازا سوراڤا تەر دکەن بۆ لێڤا دا ھەردەم لێڤێن وان تەر دیاربکەن وسەرنجا کورا راکێشن.
د. رەوۆف خشمان تایبەتمەندێ نەخوشیێن پیستی ل نەخۆشخانا زاخۆ دا زانین کو دانانا مکیاجی ھندەک سەربارک یێن ھەین بکارئێنانا وان بۆ ماوەیەکێ درێژ مادی دکسون یێت ناڤدا دەمێ حەتاف لێدت ئێکسەر رەش دبیت و پیستی تەنک دکەت.
زێدەتر گۆت: مکیاج وسوراف پرسکا ل دێمی وسەر لێڤان زێدەدکەن، د پاشەروژێ دا ناف چاڤا دقورمجێنت، بکارئێنانا وان گەلەک یا خرابە، ئەم نابێژینە کەسێ بکاربینن، بەلکو ھەردەم دبێژینە وان خوە ژێ دووربکەن.
