بۆیاغکرنا نینۆكان ئەڤ زیانە هەنە
ئەڤرۆ نیۆز ، تۆڤی:
نوکە د جیهانێدا پتریا كچ و ژنان بۆیاغا نینۆكان بكار دئینن بێی کو بزانن،کو ڤێ بۆیاغێ ماددێن كیمیایی تێدا هەنە،کو دێ زیانێ گەهینیته دەستێن وان.
لدووڤ نووچەیەکێ کو د مالپەرێ dailymail دا بەلاڤبوویه و بەحسێ زیانێن بۆیاغا نینۆكان دکەت و دبێژیت،ل گەل هندێ کو بۆیاغا نینۆكان ئێكە ژ دیارترین وان كەرەستان کو چەندین سالە كچ و ژن بۆ جوانكاریێ بكار دئینن، بەلێ ڤەکۆلینان ئەو چەندە دەرخستیە،کو بۆیاغا نینۆكان چەندین زیان بۆ ساخلەمیا مرۆڤی ھەنە، كو دیارترین زیانێن وێ ئەڤەنە:
هەکە ب شێوەیەكێ زۆر بۆیاغا نینۆكان بكاربینی،دێ زیانێ گەهینیته نینۆكێن دەستێ تە،چونکی دناڤا بۆیاغا نینۆكا دا ماددێ كیمیایی یێ زیانبەخش هەیە،كو دبیتە ئەگەرێ پەیدابوونا ئێشێن پیستی و دروستكرنا ژەهرێ دناڤا تبلاندا.
ب ئەگەرێ هندێ کو بۆیاغا نینۆكان ماددێ فورمالدیھاید د پێكھاتێ وێدا هەیە و بێهنەکا تیژ هەیە، زیانێ دگەهینیته چاڤی و دفنێ و سهێن مرۆڤی د حالەتێ ھەلمژینا بێهنا بۆیاغا نینۆكان دا، هەروەسا گەلەک بكار ئینانا بۆیاغا نینۆكان دبیتە ئەگەرێ زەربوونا نینۆكان و تێكچوونا وان ب ئەگەرێ کومبوونا وێ ژەهرا کو بۆیاغا نینۆکا دروستکری.
