بۆ ئه‌وێن دڤێن رۆخسارێ وان هەر یێ گه‌نج بیت
ئەڤرۆ نیوز ، زنار تۆڤی:
قۆناغێن ژیێ مرۆڤی د جۆدانە ژ روویێ شیان و ساخلەمیێ ڤە ، لەوما هەر دەمێ تۆ گەهشتیە ژیێ 50 بۆ 60 سالیێ و بەرەف ژوور، پێدڤیە هندەک رێکاران جێبه‌جێ بكه‌ی بۆ هندێ کو لەشێ تە هەر چالاك بمینیت و پیری پێڤە دیارنه‌بیت، ئەڤە دێ خۆشیەکێ ل دەف تە پەیدا کەت.
گەلەک جاران مە یا گۆهلێبووی کو وەلاتیێن یابانێ ته‌مه‌ن درێژترین مرۆڤن ل سه‌ر روویێ ئەردی، داتا نیشانده‌رێن هندێ نە کو یابانی ژ هه‌ردوو ره‌گه‌زێن ژن و زەلامان د ژی درێژن و چو جاران قه‌لەو نابن، ئەڤە د دەمەکێ دایە کو ئەو به‌رده‌وام مژۆلی كارینە و ب تنێ پێنج دەمژمێران ده‌رفه‌ت بۆ خه‌وێ و بهێنڤەدانێ هه‌یه ل هه‌موو رۆژان دا.
د راستیدا ژی درێژیا یابانیان چو پەیوه‌ندی ب ژینگه‌ها وان ڤە نینه، به‌لكو ب سیستەمێ خوارنا وان یا جۆدا هەیە کو خوە ژ پیربوونێ و قه‌لە‌ویێ د‌پارێزن، ئه‌ڤ سیستەمه پێکهاتیە ژ خوارنا ئەڤان خوارنێن ل خوارێ.
.خوارنا ماسی و سۆبا و کەسکاتی و فێقی.
. چو دەمان نانی نه‌خوە و زێدەتر مفای ژ برنجێ قەهوه‌یی وه‌ربگره.
.نه‌خوارنا یان خوە پاراستن ژ وان خوارنێن گەلەک کالۆر تێدا.
. گەلەک شرینیان نەخوە.
د ژیانا خوە دا ئەڤان خالێن ل خوارێ جێیبه‌جێ بكه:
. ته‌مبه‌لیێ بهێله و رۆژانە بۆ ماوێ 30 خوله‌كان وه‌رزشێ بکە.
. نڤستنا باش، چونكی د وی ژی دا بێی حەزا تە دێ خەوا تە كێم بیت، پێدڤیه رێکارێن ساخلەمیێ بۆ زێدەبوونا خه‌وێ په‌یره‌و بكه‌ی، بۆ نموونه ڤەخوارنا كافاینان كێم بكه.
. دووركه‌فتن ژ خوارنا قەلەو و شرینیێن نە ساخلەم، هەروەسا دەمێن خوارنا بچووك بچووك.