بۆ باشتركرنا شیانێن مێشكێ زارۆیێ خوه،به‌رى خه‌وێ ڤى كارى ئه‌نجام بده
ئەڤرۆ نیۆز،زنار تۆڤى:
هه‌كه خواندنا كورته چیرۆكێن شه‌ڤانه پشكه‌ك نه‌بن ژ ژیانا ته ل گه‌ل زارۆیێن ته،هه‌ولبده شه‌ڤانه كورته چیرۆكا بۆ زارۆیێن خوه بخوینه.
د ڤه‌كۆلینه‌كێ دا كو ل رۆژناما”ده‌یلى میل”یا بریتانى به‌لاڤبوویه،كو خواندنا چیرۆكا بۆ زارۆیێن ته دبیته ئه‌گه‌رێ پالپشتكرنێ و باشتركرنا شیانێن ئاستێ زانستى یێ وى زارۆكى.
دیسا ڤه‌كۆلینان ئه‌و چه‌ند ژى ئاشكراكریه،كو خواندنا چیرۆكا بۆ زارۆیان،وان هان دده‌ت بۆ هندێ كو وان پشكداریه‌كا چالاك هه‌بیت،هه‌روه‌سا زانایان ل سه‌نته‌رێ”سینسینتا یێ نۆشدارى یێ تایبه‌ت ب زارۆیان”ڤه،ئاماژێ ب هندێ دده‌ن،كو خواندنێ دێ كاریگه‌رى هه‌بیت ل سه‌ر مێشكێ زارۆیان د وى ژیێ كو به‌رى زارۆك بچیته خواندنگه‌هێ.
ل دووڤ ئه‌نجامێن وێ ڤه‌كۆلینێ كو دكتۆر”جۆن هوتۆن” ئه‌نجامدایه و دیاركریه،كو پشكه‌ك ژ دایك و بابان رابووینه ب خواندنا چیرۆكان بۆزارۆیێن خوه،هه‌روه‌سا پرسیار ژى ئاراسته‌ى وان كرینه،ب ره‌نگه‌كێ كو هه‌ماهه‌نگى هه‌یه دناڤبه‌را كه‌س و كارێن وى زارۆكى دا،ل ده‌مێ ئه‌و چیرۆكێ بۆ دخوینیت،د هه‌مان ده‌مدا دشێت پارێزگاریێ بكه‌ت ل چالاكیێن مێشكى و ئه‌و پێشكه‌فتنێن كو هه‌ین،د ده‌مه‌كێ دا كو خواندنا چیرۆكان بۆ زارۆیان دێ كاریگه‌ریا خوه هه‌بیت،به‌رى كو ئه‌و بچنه خواندنگه‌هێ.
