بۆ بدەستڤەئێنانا مافێن خەلكێ خۆ بێدەنگ نابین
لەزگین جوقی
رەشا تالب بەربژێرا ژمارە 20 بازنێ نەینەوا ل سەر لیستا 275 یا پارتی دیموكراتی كوردستان دیار كر، پێدڤیە مافێن خەلكێ خۆ مسۆگەر بكەین و ل دووڤ یاسا و دەستوری ئیراقێ ئەگەر پارتی نەبیت حكوومەتا ئیراقێ نابیت و هەبوونا پارتی بۆ دەستڤەئینان و پاراستنا مافێن خەلكییە و دێ كار كەین بۆ مسۆگەركرنا هەمی مافێن مللەتێ كورد ل بەغدا و چ جارا بێدەنگ نابن بۆ دەستڤەئێنانا مافێن خەلكێ هەرێما كوردستانێ.
رەشا تالب، بەربژێرا ژمارە 20 لیستا 275 یا پارتی دیموكراتی كوردستان بۆ رۆژنامەیا ئەڤرۆ راگەهاند، غەدرێ قەبوول ناكەین و ب هەمی هێز و شیانێن خۆ دێ بەرەڤانیێ ژ مافێن خەلكێ هەرێما كوردستانێ كەین و بەغدا چ منەتا ناكەت، پێدڤیە دەستوری بجهبینیت.
ئەو ژی بەرچاڤكر، دێ بمە دەنگەكێ راستەقینە یێ خەلكێ خۆ ل بەغدا و دێ ب رژدی كاركەین ل دووڤ پەیرەو و بەرنامێ پارتی دیموكراتی كوردستان ل بەغدا و ئەم دێ نوینەراتیا هەمی ئاین و نەتەوە و خەلكێ ئیراقێ و هەرێما كوردستانێ كەین بێ جوداهی، دێ كار كەین بۆ خزمەتكرنا هەمی خەلكێ نەینەوا و دێ بینە دەنگێ هەمی ئاین و نەتەوەیێن پارێزگەها نەینەوا و ناهێلم زۆلم ل خەلكێ بهێتە كرن.
زێدەتر گۆت: چ جاران دابەزینێ ل سەر مافێن خەلكێ خۆ ناكەین و پێدڤیە مافێن خەلكێ مە بهێنە دان ژلایێ بەغدا ڤە و هەردەم پارتی دیموكراتی كوردستان كاركریە بۆ چەسپاندنا یاسا و بحهئێنانا دەستوری و پێدڤیە بەغدا مافێن خەلكێ مە بدەت.