بۆ بەرهەمئینانا فلم و درامایان ئەم پێدڤی ب كۆمپانیێن جیهانی نە
عەزیز هەورامی:
هونەرمەند (هەلگورد سالح) د دیدارەكێ دا بۆ رۆژنامەیا ئەڤرۆ گۆت: ئەڤە (32) سالن بێی راوەستیان ئەز كارێ هونەری دكەم، وەك شانۆ و دراما و هەتا نوكە وەك ئەكتەر من پشكداری د پتر ژ (20) شانۆگەری و (5) درامایێن تەلەفزیۆنی و (6) فلمێن دكیۆمەنتاری دا كریە، هەروەسا من چەندین خەلاتێن ناڤخۆ و جیهانی وەرگرتینە و هەتا نوكە ئەز یێ بەردەوامم.
هەروەسا گۆت: نوكە بینەرێن فلم و درامایێن كوردی پترن ژ بەرێ، لێ ب مەرجەكی هەكە ئەو فلم یان دراما د ئاستەكێ باش دا بیت و ناڤەرۆكا وێ یا بهێز بیت، لێ مخابن هەتا نوكە سینارێستێن فلم و درامایان مە كێم هەنە، لەورا درامایێن مە هەتا (30) خەلەكانە و پا هەكە ببنە (100) خەلەكە ئەم دێ چكەین، هەر چەندە مە گەلەك كارەسات هەنە، ژوانا یا ئەنفالان و هەلەبچە و گەلەك نە هامەتێن دی، ل وی دەمی ئەم پێدڤی ب كۆمپانیێن جیهانی نە دا بهێن بۆمە بكەنە فلم و دراما، چنكو هەتا نوكە درامایێن كوردی بۆ كەنالێن لۆكال كێشە هەنە، پا هەكە ئەم بكەینە فلمێن سینەمایێ دێ ئەم چو كەین.
